20. nóvember - 27. nóvember - Tbl 47
MAk hækkar greiðslur til hljóðfæraleikara um rúm 60%
„Þetta gerir það að verkum að hljómsveitarmeðlimir geta valið það að spila meira og sinna annarri vinnu minna,“ segir Þorvaldur Bjarni.
Menningarfélag Akureyrar (MAk) hefur ákveðið að hækka greiðslur til verkefnaráðinna hljóðfæraleikara Sinfóníuhljómsveitar Norðurlands um rúm 60% og nær það til verkefna sem tilheyra tónleikadagskrá sveitarinnar.
Auk þess mun Menningarfélagið hækka greiðslur um rúmlega 10% til hljóðfæraleikara fyrir verkefni undir merkjum hliðarsjálfs sveitarinnar, SinfoniaNord. Þau verkefni snúast um upptökur á sinfónískri kvikmyndatónlist og sinfóníska þjónustu til viðburðarhaldara, hljómsveita, tónskálda og upptökustjóra.
Þorvaldur Bjarni Þorvaldsson, tónlistarstjóri Menningarfélags Akureyrar, segir í samtali við Vikudag að þetta sé stórt skref fram á við í kjaramálum hljóðfæraleikara hér á landi.
„Það er orðið löngu tímabært að greidd sé sama upphæðin fyrir sömu vinnuna á landinu öllu. Hér á Akureyri hafa skapast aðstæður til að hækka greiðslur vegna fjölda og stórra verkefna. Þetta er risa skref því þetta er í fyrsta sinn á Íslandi þar sem greitt er það sama fyrir sömu vinnuna hjá sinfónískum hljóðfæraleikurum hvar sem er á landinu,“ segir Þorvaldur og bætir við:. „Þetta gerir það að verkum að hljómsveitarmeðlimir geta valið það að spila meira og sinna annarri vinnu minna. Og flestir tónlistarmenn vilja spila meira.“ Í Sinfóníuhljómsveit Norðurlands er um 20 manna kjarni sem sem býr eða er ættaður frá Norðurlandi, auk rúmlega 25 hljóðfæraleikara í viðbót sem taka reglulega þátt í verkefnum sveitarinnar.
Næsta tónleikaár lítur vel út
Stóru tónleikaári hjá Sinfóníuhljómsveit Norðurlands er nú lokið og sló sveitin botninn í tónleikárið með flutningi stórvirkisins, sem oft hefur verið nefnt drottning allra tónverka, Matteusarpassíu Jóhanns Sebastians Bachs í Hofi um páskana. Á starfsárinu var uppselt á 14 tónleika sem hljómsveitin tók þátt í. Þorvaldur Bjarni segir að næsta tónleikaár líti vel út. „Þetta fer svolítið eftir framboði og eftirspurn en það liggur allavega fyrir nú þegar um 6-8 tónleikar áður við kynnum dagskrána. Þannig að ég held að næsta tónleikaár verði ekki minna,“ segir Þorvaldur Bjarni Þorvaldsson.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
