20. nóvember - 27. nóvember - Tbl 47
Lauganemar ganga fyrir Miðgarðakirkju í Grímsey
Elín Rós Sigurðardóttir, Edda Hrönn Hallgrímsdóttir, Sigrún Anna Bjarnadóttir, Karólína Dröfn Jónsdóttir, Bryndís Anna Magnúsdóttir standa fyrir áheitasöfnuninni. Mynd/aðsend
Nokkrar vinkonur í Laugaskóla hafa tekið sig saman og ætla að safna áheitum til styrktar endurbyggingu Miðgarðakirkju í Grímsey. Kirkjan sem brann til grunna 22. september sl. var elsta bygging eyjarinnar, byggð 1867, og var hún friðuð árið 1990.
Áætlaður heildarkostnaður við byggingu nýrrar kirkju er um 100 milljónir króna.
„Við erum stelpur í Framhaldsskólanum á Laugum sem viljum láta gott af okkur leiða með því að leggja Grímseyingum lið í söfnun þeirra fyrir byggingu á nýrri kirkju,“ segir Bryndís Magnúsdóttir, ein af stelpunum sem standa að áheitasöfnuninni.
„Við bjóðum því einstaklingum og fyrirtækjum að taka þátt í söfnuninni með því að heita á verkefnið okkar en við ætlum að ganga frá Laugaskóla að Ýdölum sem er um 20 km. leið núna á næstu dögum,“ segir Bryndís og bætir við að þær taki við frjálsum framlögum. „Sem viðmið hvetjum við fyrirtæki til að greiða á bilinu 5000-10000 krónur og einstaklinga að lágmarki 1000 krónur.“
Aðspurð um hvers vegna þeim datt í hug að leggja Grímseyingum lið segir Bryndís að hugmyndin hafi vaknað við samtal við móður sína. „Mamma er mikið úti í Grímsey og var að segja mér frá kirkjubrunanum þegar ég var heima í helgarfríi um daginn. Við stelpurnar höfum líka verið að leita okkur að öðruvísi verkefnum í skólanum og fannst þetta vera alveg kjörið,“ sagði hún.
Greiða má áheitin beint inn á reikning Miðgarðakirkju Grímseyjar
Reiknings númer 565 04 250731 og kennitölu 460269-2539
Merkið greiðsluna „Áheitasöfnun Laugaskóla“
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
