20. nóvember - 27. nóvember - Tbl 47
Starfsfólk Kalda styrkir Krabbameinsfélagið um tæplega tvær milljónir
Starfsfólk Kalda og fulltrúar Krabbameinsfélags Akureyrar og nágrennis við afhendingu á peningagjöfinni.
Starfsfólk Bruggsmiðjunnar Kalda á Ársskógssandi afhendu nýverið Krabbameinsfélagi Akureyrar og nágrennis gjöf að upphæð 1.800.000 kr. Í marsmánuði kom upp sú umræða meðal starfsfólks að láta gott af sér leiða og kom þá fljótlega upp sú hugmynd að brugga léttöl, nefna það VERTU KALDUR og gefa allan ágóða af þeirri sölu til Krabbameinsfélagsins.
„Við fórum strax í þá vinnu að hafa samband við fjölmarga aðila uppá umbúðir, hönnun og prentun á miðum, flutning og fleira, fengum alls staðar mjög jákvæð viðbrögð og voru allir tilbúnir að leggja þessu góða málefni lið,“ segir Agnes Sigurðardóttir framkvæmdastjóri Kalda í samtali við Vikudag. „Fyrst ber að nefna Bruggsmiðjuna Kalda sem gaf allt hráefnið í léttölið, starfsfólkið gaf vinnuna og án þeirra hefði þetta verkefni ekki getað orðið að veruleika.“
Þá gaf Þormóður Aðalbjörnsson hönnun á miðunum, Ásprent á Akureyri gaf alla miða, Oddi og Samhentir gáfu umbúðir, Saga Medica gaf hvönnina sem notuð er í léttölið, Samskip gaf allan flutning á léttölinu og Bros gaf boli með lógóinu VERTU KALDUR.
Þá segir Agnes ennfremur að síðast en ekki síst þá hafi fjölmargir styrkt verkefnið með kaupum á léttölinu og með beinum fjárstyrkjum og vegna þeirra tókst að safna svo veglegri upphæð.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
