20. nóvember - 27. nóvember - Tbl 47
Jólaprjónið í ár -Rætt við Kolbrúnu Jónsdóttur um prjónaskap
Kolbrún Jónsdóttir, tónlistarkennari og prjónakona.
Nú þegar veturinn leggst yfir landið og vetrarkuldinn tekur yfir eru margir landsmenn sem grafa í skúffum og skápum eftir lopapeysum, ullarsokkum og ullarskóm. Íslenska lopapeysan er ekki bara mikilvægur hlutur af menningu okkar heldur er þessi fatnaður bæði einstaklega hlýr á veturna og þegar vel tekst til virkilega flottar flíkur.
Kolbrún Jónsdóttir er tónlistarkennari en hún hefur stundað þetta áhugamál í áratugi. Það eru margir sem halda uppi prjónasíðum á samfélagsmiðlum og selja flíkurnar sínar áfram en Kolbrún er einmitt ein af þeim og þar af leiðandi fær hún smá aukapening af áhugamálinu sínu. „Það sem mér finnst skemmtilegast er að búa til eitthvað, skapa flík sem nýtist og er falleg. Svo er prjónaskapur mjög róandi athöfn,“ segir Kolbrún.
Meira prjónað á haustin en á öðrum tímum
Það segir sig mögulega sjálft að með kólnandi veðurfari sé meiri eftirspurn eftir lopavörum, en það eru alltaf sveiflur í prjónatíðninni.
„Ég prjóna langmest á haustin því ég hef tekið þátt í jólamörkuðum í fjöldamörg ár. Ég byrjaði á því þegar ég bjó fyrir norðan og þá fyrst á jólamarkaði sem var á Skeiði í Svarfaðardal. Síðastliðin ár hef ég tekið þátt á jólamarkaðnum í Heiðmörk þar sem ég verð einnig í ár, og líkar það vel,“ segir Kolbrún. Hún bætir við að það sé alltaf eitthvað að prjóna allt árið en það fari yfirleitt eftir pöntunum hjá henni.
Prjónavörur sem jólagjöf
Það muna flestir eftir því sem barn að hafa þreifað á jólapökkunum og tekið eftir mjúka pakkanum og orðið svakalega vonsvikin.
Kolbrún segir að hún hefur gefið sínar vörur í jólagjöf margoft og kannast ekki við annað en að því hafi verið vel tekið. Hún bætir þó við að bestu móttökurnar hafi yfirleitt verið hjá fullorðnu fólki frekar en hjá börnunum sem voru að búast við leikföngum.
Uppskrift að barnahúfu
„Ég prjóna mjög mikið og mest eitthvað sem ég hanna sjálf. Ég skrifa uppskriftirnar mjög knappt, nota einfaldar tölur eins og fyrir uppfit, útaukningu og cm en það skilur enginn þessar uppskriftir nema ég,“ segir Kolbrún Jónsdóttir.
Hér kemur einföld uppskrift af húfu sem er mjög teygjanleg og passar fyrir krakka á ýmsum aldri.„Ég nota Spuna og prjón nr 5. Fitjið upp 80 lykkjur og prjónið í hring, 2 sléttar og 2 snúnar til skiptis. Prjónið þar til hólkurinn mælist ca 30 cm. Takið þá úr í hverri umferð; fyrst 10. hverja lykkju, svo 9. hverja o.s.frv. Dragið bandið í gegnum síðustu lykkjurnar, ég geri það oftast þegar 8 eru eftir.
Prjónaðar barnahúfur eftir meðfylgjandi uppskrift
Gangið frá endandum á röngunni. Passið að ganga frá endanum sem þið byrjuðuð á þannig að sjáist sem minnst þar sem þið brjótið upp á húfuna. Ég þvæ spuna alltaf á 30° á ullarprógrammi í þvottavél, 800 snúninga vindu og legg svo stykkið til á handklæði. Notið ullarsápu og alls ekki mýkingarefni.“
Ullarvettlingar prjónaðir af Kolbrúnu
Samfestingar prjónaðir af Kolbrúnu
Barnapeysa og húfa prjónað af Kolbrúnu
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið.
