Iceland Winter Games haldið í Hlíðarfjalli í lok mars
Iceland Winter Games (IWG) hátíðin verður haldin í Hlíðarfjalli á Akureyri dagana 23.-25. mars nk. Um alþjóðlega vetrarhátíð er að ræða en hátíðin var fyrst haldin árið 2014 en snýr nú aftur eftir tveggja ára hlé. Í ár er von á keppendum víðs vegar að úr heiminum, m.a. frá Bandaríkjunum, Kanada, Austurríki og fleiri Evrópulöndum.
Markaðssvæði Iceland Winter Games hefur stækkað mikið sem og áhugi íþrótta-og fjölmiðlafólks um allan heim. Sem dæmi valdi sjónvarpsþáttaröðin World of Adventures IWG sem fimmta áhugaverðasta og mest spennandi jaðaríþrótta viðburð í heimi. Aðalviðburður á leikunum í ár verður keppni á Snjóskautum eða Sled Dogs Snowskates og nefnist Bonefight. Einnig verður fjallahjólabrun í bröttustu brekku skíðasvæðisins, vélsleðaspyrnu og snjócross á vélsleðum, snjóblakmót sem verður haldið í Hlíðarfjalli og verður jafnframt Íslandsmeistaramót, en þetta er í fyrsta skipti sem slíkt mót er haldið á Íslandi. Þá má nefna Freeride skíða/bretta keppni þar sem keppt er utan troðinna skíðaleiða.
Mikill áhugi erlendis frá
„Við eigum von á 50-70 manns erlendis frá og það eru keppendur, mótshaldarar, fjölmiðlafólk og einnig er þónokkuð af fólki sem er að koma til Íslands gagngert til að fylgjast með IWG,“ segir Axel Ernir Viðarsson framkvæmdastjóri hátíðarinnar og segir áhugann gífurlegan. „Við byrjuðum að fá tölvupósta strax í október frá fólki úr hinum ýmsu löndum sem var að spyrja hvaða dagsetning yrði á leikunum í ár því þau væru að skipuleggja frí fyrir fjölskylduna og langaði að vera á Íslandi þegar IWG yrði haldið, sem er frábært. Við eigum einnig von á miklum fjölda Íslendinga norður því þeir eru einnig mjög áhugasamir um leikana. Bæði sem keppendur og áhorfendur.“ Axel segir risanöfn á leið til landsins á leikana en t.a.m. bræðurnir Marco og Luca Dallago eru í efstu sætum heimslistans í Crashed Ice sportinu og var Marco Dallago var heimsmeistari 2014.
Akureyringur heimsmeistari í Snowskates
Þeir sem standa að Iceland Winter Games eru Akureyrarbær, Markaðsstofa Norðurlands, Akureyrarstofa, Íslandsstofa og Viðburðastofa Norðurlands. „Þetta er unnið í miklu og góðu samstarfi við Hlíðarfjall og þá frábæru aðila sem halda hina ýmsu viðburði en það eru Hjólreiðafélag Akureyrar (HFA), Ey-Lív (félag vélsleðamanna í Eyjafirði), Team 23 félagarnir sem halda snjócrossið, Blakdeild KA og auðvitað Sled Dogs Snowskates,“ segir Axel og bætir við að Íslendingar eigi einmitt heimsmeistarann í Snowskates íþróttinni.
„Það er Akureyringurinn Ingi Freyr Sveinbjörnsson sem byrjaði sinn feril á skautunum hér í Hlíðarfjalli. Margir af þeim keppendum sem eru að koma á IWG vegna Sled Dogs eru gríðarlega stór nöfn í skautaheiminum og þá sérstaklega úr hokkíinu,“ segir Axel Ernir og hvetur fólk til að hafa samband ef það er með viðburði eða afþreyingu á þeim tíma sem hátíðin fer fram.
„Okkar markmið er að auglýsa og koma Akureyri og Norðurlandi öllu á framfæri sem spennandi áfangastað fyrir erlenda sem og innlenda ferðamenn og því viljum við endilega fá að vita frá fólki hvað er í boði þessa daga sem hátíðin stendur yfir.“
Hægt er að senda upplýsingar og fyrirspurnir á netfangið axel@icelandwintergames.com. Einnig eru allar helstu upplýsingar að finna á www.icelandwintergames.com og á Facebook síðu leikana.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
