„Í æsku las ég allt sem ég komst yfir“
Katrín Sigurjónsdóttir sveitarstjóri Norðurþings er fædd í Borgarfirði og varði þar æsku sinni. Hún gekk í heimavistarskóla frá 6 ára aldri í Varmalandi, síðan í Reykholti og loks í Samvinnuskólanum á Bifröst. Þar kynntist Hún eiginmanni sínum Hauki Snorrasyni frá Árskógsströnd, þau fluttu til Dalvíkur 1988 og hófu þar búskap saman. „Í byrjun ágúst fluttum við hjónin til Húsavíkur og kunnum okkur strax vel hér. Í æsku las ég allt sem ég komst yfir og til var ritað á heimilinu. Í seinni tíð er lesturinn mest tengdur vinnunni en mér finnst samt alltaf gaman að grípa í skáldsögur þegar tími vinnst til,“ segir Katrín sem er Bókaormur vikunnar.
Hvaða bók er á náttborðinu núna?
Ég er ekki með bók á náttborðinu eins og er. Viðfangsefnið núna eru hljóðbækur sem ég hlusta á yfir prjónaskap og stundum tekur mig margar vikur að ljúka heilli bók. Núna er ég að hlusta á Bréfið eftir Kathryn Hughes sem segir sögu tveggja kvenna sem fæðast með nokkurra ára millibili en engu að síður liggja leiðir þeirra saman og kvalræði annarrar þeirra verður hinni til bjargar. Bókin lofar góðu en ég er nýbyrjuð á henni. Áður hlustaði ég á bækurnar hennar Ásdísar Höllu Bragadóttur, Tvísaga og Hornauga, og Eyland eftir Sigríði Hagalín Björnsdóttur. Ólíkar bækur en mjög áheyrilegar og áhrifamiklar.
Hvaða bók lastu síðast?
Í sumar náði ég loksins að lesa jólabókina mína. Það var Sigurverkið eftir Arnald Indriðason, söguleg skáldsaga sem gerist á sunnanverðum Vestfjörðum og í Kaupmannahöfn á 18. öld. Mjög vel rituð heimild um líf venjulegs fólks á Íslandi á öldum áður, sem jafnframt harðri lífsbaráttu þurfti að óttast harðræði yfirvalda bæði á Íslandi og í Danaveldi.
Bókin var í nýjum takti m.v. aðrar bækur Arnaldar en hann hefur alltaf verið einn af mínum uppáhalds rithöfundum.
Uppáhalds bók
Það er erfitt að velja eina bók og ég ætla að leyfa mér að velja tvær seríur.
Sonur minn nauðaði í mér í nokkur ár um að lesa bækurnar um Harry Potter. Þegar síðasta bókin var á leiðinni lét ég loksins til leiðast. Það tók mig um 60 blaðsíður af fyrstu bókinni að detta inn í hugarheiminn og sögusviðið og ég hreinlega át bækurnar í kjölfarið. Alveg mögnuð skrif hjá J.K.Rowling og gaman hvernig persónur sem manni fannst ekkert skipta máli framan af fléttuðust inní söguna í lokin.
Bækurnar um Precious Ramotswe eftir Alexander McCall Smith, sem byrja á Kvenspæjarastofu númer eitt og gerast í Botsvana, eru alveg frábærar. Ég hef verið mikið í Afríku og höfundinum tekst flétta saman spennandi atburðarás og húmor en um leið að draga upp mjög sannfærandi mynd af daglegu lífi í Afríku. Mæli með báðum þessum bókaflokkum fyrir lesþyrsta.
Uppáhalds rithöfundur?
Ólafur Jóhann Ólafsson er minn uppáhalds rithöfundur. Það er eitthvað við frásagnarstílinn sem er mjög ljóðrænn, færni í íslensku málfari og ritsnilld sem nær í hjartað í mér í hverri bók sem hann skrifar. Mér skilst að Baltasar Kormákur sé að gera mynd eftir Snertingu. Sú bók er snilld eins og aðrar bækur Ólafs Jóhanns. Ég hlakka til að sjá þá mynd þótt það náist aldrei sömu hughrif eða dýpt í bíómyndum eins og í bókunum sjálfum.
Greinin birtist fyrst í 39. tölublaði Vikublaðsins
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
