Hvetur ungmenni til vatnsdrykkju í stað óhollra drykkja
Drekkið vatn í stað óhollari drykkja – m.a. gosdrykkja og koffínríkra drykkja. Þetta er boðskapur Ásgeirs Ólafssonar einkaþjálfara á Akureyri sem hefur ýtt úr vör verkefni sem hann kallar „Flössari“ – til mótvægis við hugtakið „Fössari“ sem samkvæmt slangurorðabókinni er föstudagur og sumir tengja við áfengisneyslu.
Þetta kemur fram á heimasíðu VMA.
Að baki nafninu „Flössari“ er: Flöskudagur = föstudagur = vatnsflöskudagur = flöss = flush = skolun = vatn. Í vikunni hafa nemendur í bæði VMA og MA fengið að gjöf vatnsbrúsa frá verkefninu „Flössari“ – og segir Ásgeir Ólafsson forvígismaður þess að hann vilji sjá æ fleiri ungmenni drekka vatn í stað óhollra og ávanabindandi drykkja.
Ásgeir segir í samtali við VMA hafa fengið kostunaraðila að verkefninu og þannig náð að fjármagna að allir nemendur framhaldsskólanna á Akureyri fái vatnsbrúsa að gjöf. Gangi verkefnið vel segist Ásgeir horfa til þess á næsta ári að víkka það út til allra framhaldsskóla landsins.
Ásgeir Ólafsson hefur sem einkaþjálfari lengi skrifað um heilbrigðan lífsstíl – hreyfingu, mataræði og fleira. Í pistli sem hann birti fyrr á þessu ári beindi hann sjónum sínum að aðgengi barna og unglinga að koffíndrykkjum, sem hann segir allar rannsóknir staðfesta að séu stórhættulegir og aðeins sé tímaspursmál hvenær valdi stórslysi hér á landi.
Vísar hann m.a. til drykkja eins og Nocco og Monster sem hann segir að flæði út um samfélagið – aldrei þó eins og nú. Þessu megi líkja við faraldur og það verði hreinlega að bregðast við og snúa þessari þróun við. Þetta sé stórt vandamál sem verði að vekja athygli ungmenna og foreldra þeirra á með öllum tiltækum ráðum. Því hafi hann sjálfur ákveðið að fara af stað með þetta verkefni því hann sé einfaldlega verulega hræddur um fjölmörg íslensk ungmenni sem hafi ánetjast þessum koffíndrykkjum.
Ungmenni sem geri sér enga grein fyrir að þessir drykkir séu stórhættulegir. Ásgeir segist vita um fjölmörg ungmenni sem drekki allt að þrjá og jafnvel fleiri slíka drykki á hverjum einasta degi. Slíkt geti endað með ósköpum.
Til þess að reyna að snúa þessari þróun við hafi hann ákveðið að fara þá leið til að byrja með, að gefa nemendum framhaldsskólanna á Akureyri vatnsbrúsa og hvetja þá til að fylla þá þrisvar á dag af vatni – í stað þess að drekka koffíndrykki – enda sé vatnsdrykkja miklum mun hollara fyrir líkamann og kosti ekkert – samanborið við um 400 krónur fyrir hvern orkudrykk.
„Ég lít fyrst og fremst á þetta sem samfélagsverkefni sem ég býð framhaldsskólanemum að taka þátt í á fésbókinni,“ segir Ásgeir Ólafsson á vef VMA.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
