20. nóvember - 27. nóvember - Tbl 47
„Hvert stefnir mannkynið?“
Guðrún Kristinsdóttir. Mynd/epe
Guðrún Kristinsdóttir er fædd og uppalin í Hafnarfirði og útskrifaðist frá íþróttaskólanum á Laugarvatni árið 1980. Þar kynntist hún Ingólfi Freyssyni eignmanni sínum. „Við fluttum til Húsavíkur árið 1986 og höfum búið þar síðan. Við eigum þrjú börn og sjö barnabörn. Ég hef verið kennari við Borgarhólsskóla frá árinu 1986 fyrir utan tvö ár og hef alla tíð lesið mikið bæði bækur og ljóð,“ segir Guðrún sem er Bókaormur vikunnar.
Hvað er á náttborðinu?
Við Ingólfur erum núna að hlusta á bókina “Heimurinn eins og hann er” eftir Stefán Jón Hafstein. Þar er hann að tala um misskiptinguna í heiminum. Hann fjallar líka um að það hefur aldrei verið framleitt eins mikið af mat og aldrei sóað eins miklu af mat eins og við gerum í dag. Hvert stefnir mannkynið? Þetta er mjög áhugaverð bók sem vekur mann til umhugsunar um stöðuna í heiminum.
Einnig er ég með nýútkomna ljóðabók eftir skólasystur mína Draumey Aradóttur en við vorum saman í Öldutúnsskóla í Hafnarfirði. Bókin heitir ” Varurð” skemmtilega uppsett ljóðabók með yndislegum ljóðum sem skilja mikið eftir.
Hvað lastu síðast?
Síðasta bókin sem ég las heitir „Leyndarmálið“, spennandi og skemmtileg saga sem erfitt er að leggja frá sér.
Í uppáhaldi?
Uppáhalds bókin mín er „Náðarstund” sem ég er búin að lesa tvisvar. Þetta er áhrifarík saga um ástir og örlög einstaklinga í byrjun nitjándu aldar. Ég var í sveit í mörg ár á sögusviði þessarar sögu og þekki því vel til bæjanna í Vatnsdal og landslagsins, þannig að ég lifði mig vel inn í söguna. Höfundur er Hannah Kent.
Uppáhalds höfundur?
Uppáhalds rithöfundurinn er Ólafur Gunnarsson en hann skrifaði „Öxin og jörðin,” virkilega vel skrifuð bók þar sem að ég datt alveg inn í söguna sem gerist á þeim tíma sem Jón Arason og synir hans eru hálshöggnir. Landslagslýsingarnar og hvernig hann segir frá þessari merku sögu þjóðarinnar heilluðu mig alveg upp úr skónum.
Greining birtist fyrst í 38. tölublaði Vikublaðsins
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
