20. nóvember - 27. nóvember - Tbl 47
Hús vikunnar: Norðurgata 8; Turninn, Esja.
Lengi vel voru smáar hverfisverslanir, eða „kaupmaðurinn á horninu“ algengar í bænum og snar þáttur í viðskiptum og mannlífi bæjarbúa. Þessar búðir lögðust flestar af, vegna breyttra verslunarvenja, á síðustu tveimur áratugum 20. aldar og um aldamótin voru aðeins örfáar slíkar eftir í bænum. Eina verslun mátti finna á horni Norðurgötu og Gránufélagsgötu, nánar tiltekið við Norðurgötu 8 og var verslað þar fram yfir árið 2010. Norðurgötu 8 reisti Axel Schiöth bakarameistari sem sölubúð árið 1933. Teikningarnar gerði Tryggvi Jónatansson. Húsið er einlyft timburhús á lágum grunni með pýramídalaga þaki, veggir klæddir steinblikki og bárujárn á þaki.
Árið 1941 kaupir Árni Sigurðsson húsið og verslunin af Axeli og ýmsir versluðu þar síðar undir hinum ýmsu nöfnum. Telja má víst, að býsna margir eigi ljúfar minningar af innkaupum, sendiferðum, sælgæti eða skemmtilegum samskiptum við afgreiðslufólk í Turninum. Lengst af nefndist verslunin þarna einfaldlega Turninn, ekki óalgengt að sjá Turninn Norðurgötu í blaðaauglýsingum, til aðgreiningar frá öðrum söluturnum bæjarins. Þá var þarna um árabil verslunin Esja, og um aldamótin 2000 var þarna Eyrarbúðin, en áður hafði verslun með sama nafni verið starfrækt í Lárusarhúsi á horni Norðurgötu og Eiðsvallagötu. Síðasta verslunin í þessu húsi nefndist Hreiðrið og var hún starfrækt árin 2006-12. Um 2014 var húsið innréttað sem leigu- eða orlofsíbúð, en meðfylgjandi mynd er tekin þann 16. júlí það ár.
Lesendum er velkomið að senda höfundi fyrirspurnir, ábendingar eða annað slíkt á póstfangið hallmundsson@gmail.com
Nýjast
-
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember.
