20. nóvember - 27. nóvember - Tbl 47
„Hreindýradraugur“ í myndlistarsal Safnahússins
Lykilverk sýningarinnar „Hreindýrsdraugur“ – Húsavík 2018
Á morgun föstudag opnar franski listamaðurinn François Lelong sýningu sína „Hreindýradraugur“ í myndlistarsal Safnahússins á Húsavík.
François Lelong er sjónlistamaður sem í yfir tíu ár hefur unnið með og í landslagi gegnum skúlptúra og innsetningar. Á ferli sínum hefur listamaðurinn unnið að verkefnum víða um heim, gert innsetningar úti í náttúrunni og haldið hefðbundnari sýningar. Efniviðurinn í verkum François er náttúrulegur, fengin í því umhverfi sem er kveikjan að, eða er viðfangsefni sýningar. Í sköpunarferlinu verða þau menningar-, samfélags-, umhverfis- og sögulegu áhrif sem listamaðurinn verður fyrir samtvinnuð verkunum. Efnisöflun og rannsóknir á og í landslagi hafa myndað grunn að óhlutbundnum orðaforða. Línur, sveigjur og slóðar hafa smátt og smátt myndað grunn að sameiginlegu tungumáli sem má greina m.a. í náttúrufræði, fornleifafræði og sögu þar sem hugmyndin um yfirráðasvæði er sameiginlegt grunnstef.
Samband manns, dýrs og náttúru hefur ávallt verið listamanninum hugleikið. François Lelong hefur unnið með samruna þessa með blöndun spendýra, lífhvolf þeirra og tengsl við manninn. Þar liggur grunnurinn að sýningunni sem nú verður opnuð.
Í sýningunni í Safnahúsinu, Hreindýradraugur, sýnir listamaðurinn skúlptúra og teikningar sem birta fjarveru hreindýra á Norðurlandi, þar sem þau áður bjuggu og á hvern hátt þau lifa enn í náttúrunni og hugaheimi manna. Hið horfna dýr birtist meðal annars í beinum, trjám og jurtum. Sýningin er afrakstur af löngu ferli sem hófst árið 2016 þegar François var í listamannadvöl hjá Fjúk Arts Center sem þá var starfrækt á Húsavík. Þá kynntist hann náttúru, samfélagi og efnivið á nærsvæðinu. Þá þegar kviknaði sú hugmynd að listamaðurinn kæmi aftur og héldi sýningu í Safnahúsinu. Snemma í ferlinu urðu það hreindýrin sem fönguðu listamanninn, saga þeirra á Norðurlandi, hvarf þeirra og það sem eftir stendur í náttúru og sameiginlegu minni íbúa. Sumarið 2017 var François í tæpan mánuð á norður- og austurlandi. Á austurlandi hitti hann Unni Karlsdóttur umhverfisssagnfræðing sem hefur rannsakað sögu hreindýra á austurlandi og heldur úti vefsíðu með ýmis konar fræðsluefni um þau. Einnig var hann með Skarphéðni G. Þórissyni sérfræðingi hjá Náttúrustofu Austurlands í nokkurn tíma. Skarphéðinn hefur rannsakað og vaktað hreindýrastofninn á austurlandi. Hann var François m.a. innan handar við efnisöflun fyrir sýninguna. François dvaldi síðan hjá Sveini á Ærlæk í nokkrar vikur fékk þar vinnuaðstöðu og hóf vinnu við verkin. Hugmyndavinnan hélt síðan áfram í Frakklandi yfir veturinn og í lok maí kom François aftur til landins, fór beint á Ærlæk og hefur þar unnið sleitulaust að verkunum sem nú verða til sýnis almenningi.
Sýningin verður opin til ágústloka og er opin alla daga frá 10-18, minnt er á að enginn aðgangseyrir er að sérsýningum í Safnahúsinu. Opnun sýningarinnar er öllum opin. /SJ
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
