Hollvinir SAk 10 ára - Gerðu sér glaðan dag í Lystigarðinum
Stjórnarmenn í Hollvinasamtökum SAk afgreiða veitingar, sem auðvitað voru í „boði hússins“. Jói Bjarna lengst til hægri, þá Bjarni bróðir hans, Erla Björg Guðmundsdóttir, Jóhann Rúnar Sigurðsson fyrir borðsendanum og fjær má sjá í bakið á grillmeisturunum Bjarna Jónassyni og Edgardo Solar, sem er starfsmaður SAk.
Hollvinasamtök Sjúkrahússins á Akureyri (SAk) fögnuðu 10 ára afmæli sínu með því að bjóða til garðveislu í Lystigarðinum á Akureyri sl. föstudag frá kl. 16 til 18.
Fjölmargir lögðu leið sína í Lystigarðinn til að samfagna Hollvinum SAk, njóta veðurblíðunnar, góðra veitinga og skemmtilegrar tónlistar. Veislan heppnaðist með eindæmum vel – en sem löngum fyrr tala myndirnar sínu máli.
Partýland lagði til hoppukastala í veisluna og þetta ljúfa tígrisdýr var vinsælt meðal yngstu kynslóðarinnar.
Nokkrir starfsmenn Sjúkrahússins á Akureyri hjálpuðu til við undirbúninginn og stóðu svo vaktina við hoppukastalann og gættu þess að allt gengi að óskum. T.f.v.: Erla Björnsdóttir, Ragnheiður Halldórsdóttir, Kristjana Kristjánsdóttir og Gunnar Líndal.
Hollvinir nefndu þetta góða band „Hljómsveit sjúkrahússins“ en þau Sigurður Albertsson skurðlæknir, Helga Dögg Jónsdóttir hjúkrunarfræðingur og Hermann Arason („segðu bara verðandi sjúklingur, til að ná tengingu við SAk,“ sagði hann sjálfur) sáu um að skemmta veislugestum konunglega með skemmtilegri tónlist.
Sigurður E. Sigurðsson, framkvæmdastjóri lækninga og handlækningasviðs SAk, færði Hollvinum SAk skjöld að gjöf, fyrir hönd stjórnenda og starfsfólks SAk, með hjartans þökkum fyrir ómetanlegan stuðning frá stofndegi samtakanna. Jóhannes G. Bjarnason, formaður stjórnar Hollvina, veitti skildinum viðtöku.
Hluti hópsins sem kom að garðveislunni í Lystigarðinum. Efri röð, t.f.v.: Edgardo Solar, Bjarni Jónasson, Erla Björnsdóttir, Kristjana Kristjánsdóttir, Jóhann Rúnar Sigurðsson, Bjarni Bjarnason, Ragnheiður Halldórsdóttir og Jóhannes G. Bjarnason.
Krjúpandi fyrir framan eru Erla Björg Guðmundsdóttir, Bragi V. Bergmann og Hermann Haraldsson.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
