20. nóvember - 27. nóvember - Tbl 47
Heiðaraðar fyrir áratuga starf í þágu samfélagsins
Frá vinstri: Hrönn Káradóttir, Katrín Eymundsdóttir, Margrét Hannesdóttir, Jónasína Rún Skarphéðinsdóttir, Sigrún Jónsdóttir og Birna Sigurbjörnsdóttir. Myndir/ epe
Kvenfélag Húsavíkur kom saman í síðustu viku til að heiðra þær félagskonur sem eru eða verða 80 ára á árinu.
Aðalbjörg Sigurðardóttir, formaður félagsins sagði í samtali við Vikublaðið að venjan væri að slík heiðrun færi fram á aðalfundi, en þar sem svo margar konur verða 80 ára á árinu var ákveðið að halda sér samkomu til heiðurs konunum.
Aðalbjörg Sigurðardóttir, formaður Kvenfélags Húsavíkur.
Blaðamaður Vikublaðsins heimsótti samkomuna en þar var falleg og góð stemning. Veisluborðin voru hlaðin kræsingum eins og kvenfélagskonum er einum lagið og hjónakornin Svava Steingrímsdóttir og Brynjar T. Baldursson sáu um tónlistaratriðin.
Það er óhætt að segja að Kvenfélag Húsavíkur hafi verið hornsteinn samfélagsins í aldanna rás en það var stofnað 13. febrúar árið 1895. Konurnar sex sem voru heiðraðar hafa allar gefið vinnu sína til samfélagsins áratugum saman og eru hvergi nærri hættar. Ein þeirra, Katrín Eymundsdóttir gekk til að mynda í félagið árið 1967. Það eru 55 ár af ómetanlegu sjálfboðastarfi fyrir nærsamfélagið.
Aðalbjörg hafði enda á orði áður en hún færði þessum heiðurskonum blómvönd að starf þeirra í þágu samfélagsins væri ómetanlegt.
„Það er ekkert sjálfgefið að gefa vinnuna sína áratugum saman og í dag er bara ekkert auðvelt að fá fólk til að vinna fyrir ekki neitt. Fyrir ykkar framlag erum við ómetanlega þakklátar. Samfélagið allt ætti að vera þakklátt því að það er fyrir svona konur að Kvenfélagið hefur getað gefið af sér jafn mikið fyrir samfélagið og raun ber vitni í gegn um tíðina og verið jafn mikils virði fyrri jafn marga,“ sagði hún áður en heiðurskonurnar stilltu sér upp fyrir myndatöku.
Kvenfélagskonur gerðu sér glaðan dag, með tónlist, góðum veitingum og dásamlegri samveru.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
