4. sept - 11. sept - Tbl 36
Halda golfmót í Cuxhaven - Island Tropy
Hjónin Anna Guðrún Garðarsdóttir og Helgi Helgason Húsvíkingar fram i fingurgóma nú búsett í Cuxhaven í Þýskalandi eru töluvert i golfi i frítíma þeirra . Þau hafa tvö sl ár staðið fyrir heilmiklu golfmóti eiginlega landsmóti milli Íslands og Þýskalands.
,,Hugmyndin að þessu golfmóti kviknaði þegar við Helgi tókum þátt í golfmóti í holli með einum stjórnarmanni í klúbbnum og við vorum nú að halda Ísland Tropy í annað sinn. Það komu Íslendingar frá Akureyri, Ísafirði, Vestmannaeyjum, Grindavík, af höfuðborgarsvæðinu og frá Danmörku. Fyrirkomulagi er þannig að það er æfingadagur á miðvikudegi, Scramble á fimmtudegi, holukeppni á föstudeginum og aðalmótið Island Tropy á laugardegi. Við fórum saman á veitingastað svo var grillveisla heima hjá okkur Helga og alla dagana stóð heimili okkar opið. Gestirnir voru frábærlega skemmtilegir og stemmingin í klúbbnum var alla vikuna frábær.“
,,Þetta var landskeppni milli Íslands og Þýskalands og klæddist fyrirliði sigurliðsins rauðum jakka og hampaði bikar. Þjóðverjar unnu. Golfvöllurinn okkar er í Cuxhaven og heitir Küstengolfclub Hohe Klint, skemmtilegur skógarvöllur.“
Við eftirgrennslan kom í ljós að þessi völlur er talinn hvorki meira né minna en einn af þeim erfiðari í Þýsklandi og jafnvel þó víðar væri leitað svo óhætt er að fullyrða að Küstengolfclub Hohe Klint sé ekki neinn púttvöllur.
Kylfingarnir sem þátt tóku voru alsælir með mótið og ljóst að æfingar hefjast strax fyrir mótið að ári þar sem rauði jakkinn og bikarinn skal sóttur til þýskra.
Góður Bæverskurmorgunverður er mikilvæg undirstaða þegar haldið er til keppni.
Hluti keppenda í mótslok.
Alfreð Gíslason tók þátt í mótinu eftir 50 ára hlé frá golfi og vakti það athygli þýskra fjölmiðla eins og hérlendra.
Athugasemdir