20. nóvember - 27. nóvember - Tbl 47
Geta vart lýst ánægjunni að fá loks að halda tónleika
Kammerkór Norðurlands. Mynd/KÞH
Um helgina fara fram þrennir tónleikar á Norðurlandi með Kammerkór Norðurlands en þeir fyrstu fóru fram í gærkvöldi í Siglufjarðarkirkju
Laugardagur 15 maí: Tónleikar á Húsavík (sal barnaskólans) kl: 16.00
Sunnudagur 16 maí: Tónleikar í gamla Sal Menntaskólans á Akureyri kl: 16.00
„Við félagar í Kammerkór Norðurlands getum vart lýst því hve ánægð við erum með að fá nú loksins að halda tónleika, en á undanförnum mánuðum höfum við margoft skipulagt og undirbúið tónleika, en pestin ætíð hindrað framkvæmd,“ segir Ásgeir Böðvarsson, læknir og meðlimur kórsins.
Hann segir efnisskrána bera þess einnig merki að kórinn sé í eins konar ástandi milli verkefna.
„Á fyrri hluta tónleikanna flytjum við valin kórlög frá Norðurlöndunum og einnig frumflytjum fjögur gullfalleg ný lög eftir stjórnandann Guðmund Óla Gunnarsson við ljóð Páls Ólafssonar,“ segir hann.
Á seinni hluta tónleikanna verða flutt lög við ljóð Davíðs Stefánssonar úr „Svörtum fjöðrum“. Fyrir einu og hálfu ári minntist kórinnt þess að 100 ár voru liðin frá útkomu þeirrar frægu ljóðabókar og voru fjölmargir tónleikar haldnir að því tilefni. „Þetta verkefni endaði svo með því að öll lögin voru tekin upp síðasta haust og hljómdiskur gefinn út fyrir jól. „Lögin við ljóð Davíðs sem við flytjum að þessu sinni eru þau sem sérstaklega voru samin fyrir kórinn og völdu tónskáldin sjálf ljóðin og í sumum tilfellum var sama ljóðið valið tvisvar,“ útskýrir Ásgeir.
Kammerkór Norðurlands var stofnaður fyrir rúmum 20 árum og er skipaður söngfólki víða af Norðurlandi eða frá Kópaskeri til Sauðárkróks. Stjórnandi er Guðmundur Óli Gunnarsson. Eitt af markmiðum kórsins hefur verið að flytja ný íslensk tónverk og hefur kórinn gefið út 3 hljómdiska með íslenskri kórtónlist.
Einnig hefur kórinn í samstarfi við aðra flutt Krýningarmessu Mozarts, Sálumessu Verdis, Messu eftir C. M. Widor, Messu fyrir tvo kóra eftir Frank Martin, Óratóríuna Messías eftir Händel, Jólaóratóríuna og Mattheusarpassíuna eftir J. S. Bach og Magnificat eftir John Rutter.
Einnig hefur kórinn tekið þátt í flutningi á Völuspá eftir Þorvald Bjarna og tónleikum í Hofi með kvikmyndatónlist Atla Örvarssonar auk tónleika með Todmobile, Dimmu og Steve Hackett - svo dæmi séu tekin.
„Við vonum að Norðlendingar nýti tækifærið til að mæta á ný á tónleika eftir langt hlé og munum að sjálfsögðu gæta sóttvarna í hvívetna,“ segir Ásgeir Böðvarsson að lokum.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
