20. nóvember - 27. nóvember - Tbl 47
Fyrsta fermingin í Húsavíkurkirkju
Fermingarkrakkarnir með Sólveigu Höllu. Efst frá vinstri; Kári Steinn Valdimarsson, Sævar Örn Guðmundsson, Guðrún Helga Sörensdóttir. Neðri röð; Agnar Kári Sævarsson, Fannar Ingi Sigmarsson og Gestur Aron Sörensson.
Fyrsta ferming vorsins 2020 í Húsavíkurkirkju fór fram laugardaginn 20. júní. Alls sex ungmenni fermdust þennan dag en einnig verða tvær fermingar í lok ágústmánaðar. Helgihald féll eðlilega niður að miklu leyti í kjölfar samkomubanns, en reglulega voru sett á Fésbókarsíðu kirkjunnar myndbönd þar sem birtust morgunbænir, helgistundir og orgeltónar á tímabilinu til uppbyggingar sóknarbörnum sem mörg hver nýttu sér tæknina.
Útförum var streymt frá heimasíðu kirkjunnar eða á lokuðum síðum eftir óskum aðstandenda. Þann 17.júní var guðsþjónusta í kirkjunni og sú nýbreytni var í boði að svokallað ,,barnahorn“ var sett upp, þar sem börnin gátu púslað, skoðað bækur, litað eða teiknað. Ræðumaður var Hjálmar Bogi Hafliðason og gerði hann sjötíu ára afmæli Húsavíkurkaupstaðar góð skil í ræðu sinni. Kirkjukórinn söng við undirleik Steinunnar Halldórsdóttur og sr. Sólveig Halla Kristjánsdóttir þjónaði og börnin sungu fyrir kirkjugesti og leiddu bænastundina með prestinum.
Helgistund á Hvammi
Séra Sólveig Halla fékk að koma á Dvalarheimilið Hvamm með helgistund þann 7. júní, en þá voru liðnir nákvæmlega þrír mánuðir frá því helgihald hafði verið þar sökum samkomubannsins. „Það var ánægjulegt að hittast á ný og eiga góða stund, það er mikilvægt að við gefum okkur tíma til að spjalla og njóta samveru um leið og við förum varlega og fylgjum fyrirmælum varðandi sóttvarnir og forðumst smithættu. Það er óskandi að sumarið verði okkur gott með mörgum gleði- og samverustundum,“ segir Sólveig Halla.
Nýjast
-
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða.
