20. nóvember - 27. nóvember - Tbl 47
Fjörið er á Græna Hattinum um helgina
200.000 Naglbítar ljúka helginni á Græna Hattinum
Fjörið heldur áfram á Græna Hattinum. Á föstudagskvöld er komið að hljómsveitinni Killer Queen sem hefur komið fram á fjölmörgum tónleikum um landið og hefur það að markmiði að heiðra hina goðsagna-kenndu bresku hljómsveit Queen.
Sjá einnig: Hvanndalsbræður byrja fjörið á Græna á fimmtudagskvöld
Hljómsveitin leitast við að ná fram og mynda hina sönnu live rokk tónleikastemningu sem einkenndi Queen. Meðlimir Killer Queen eru engir nýliðar í spilamennsku en valinn maður er í hverju rúmi. Magni Ásgeirs leiðir hópinn af miklum þokka og sýnir á sér sínar sterkustu rokkhliðar, Hvanndalsbræðurnar Valmar,Arnar Val og Sumarliða þekkja auðvitað allir og halda þeir uppi þéttum rythmanum svo skjálfa tekur sviðið. Síðast en ekki síst er hrein unun að fylgjast með Dúndurfréttamanninum Einari Þór er hann tekst á við gítarafrek Brian‘s May svo úr verði ótrúlegt sjónarspil manns og gítars.
Dæmi um lög sem þú mátt eiga von á að heyra: Under pressure, Save me, Hammer to fall, Innuendo, Show must go on, Radio gaga, Love of my life og svo miklu miklu fleiri.
Tónleikarnir hefjast kl.22
KK Band
Félagarnir í KK Bandinu koma saman öðru hvoru og spila lög sem þeir hafa verið að spila s.l. 25 ár. Þetta eru m.a. lög af plötunum Lucky One, Bein Leið, Hótel Föröyar og svo gömul blúslög eftir Robert Johnson, Jimmy Reed, J.J. Cale o.fl góðar fyrirmyndir. Nú koma þeir fram laugardagskvöldið 5. ágúst á Græna Hattinum.
Tónleikarnir hefjast upp úr klukkan 22:00
200.000 Naglbítar
200.000 Naglbítar enda svo verslunarmannahelgina með tónleikum á Sunnudagskvöldinu.
Rokktríóið hefur haft hægt um sig síðustu misseri. En djúpt undir eggsléttu yfirborðinu hefur naglbíturinn verið brýndur og hvattur og er nú orðinn hvass.
200.000 naglbítar sendu fyrir stuttu frá sér nýtt lag og ný plata í vinnslu sem verður gefin út í haust, barmafull af hágæða melódísku rokki.
á Græna Hattinum ætla strákarnir að spila nýtt efni og áður óflutt sem og sígilda naglbíta slagara og lofa að ekkert verður gefið eftir og allt skilið eftir á sviðinu.
Þetta verður veisla.
Tónleikarnir hefjast um það bil sem flugeldasýningunni lýkur.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
