Setið við vefstólinn
Í huga þess sem þetta pikkar inn er eitthvað notalegt við þá tilhugsun að sitja við vefstól og skapa eitthvað sem gleðja mun þá sem nota. Það er þó jafn víst að pikkara skortir alla hæfileika í verkið en það má láta sig dreyma.
Á heimasíðu VMA má lesa þessa frásögn:
Á fata- og textíllínu listnáms- og hönnunarbrautar kennir Borghildur Ína Sölvadóttir nemendum vefnað. Tveir áfangar eru í boði, annars vegar grunnáfangi og hins vegar framhaldsáfangi þar sem byggt er ofan á grunninn og nemendur spreyta sig í að vefa ýmsa fallega hluti.
Þegar litið var inn í tíma í vefstofunni var Borghildur Ína að kenna sjö nemendum í framhaldsáfanga. Þeir voru að setja upp vefstólinn, koma öllum þráðum fyrir á sinn stað áður en hægt er að hefjast handa við sjálfan vefnaðinn. Það er með þetta eins og margt annað að undirbúningurinn verður að vera nákvæmur og góður, annars er hætt við að eftirleikurinn, sjálfur vefnaðurinn, verði þyrnum stráður. Nemendur voru langt komnir með undirbúninginn til þess að geta hafist handa við að vefa. Valið stóð um að vefa trefla eða barnateppi. Síðan hefjast nemendur handa og hyggjast ljúka verkefnum sínum á þeim tveimur kennsluvikum sem eftir eru af önninni.
Í áfanganum hafa nemendur fengið innsýn í hönnun á ólíkum mynstrum með því að nota forritið WeavePoint. Þeir völdu litina í vefstykkin sín og síðan var sest við stólinn og byrjað að þræða Tencel garn sem er með glansáferð, búið til úr trjákvoðu og er umhverfisvænt. Borghildur Ína segist leggja áherslu á umhverfisþáttinn í kennslunni enda full ástæða til eigi sér stað mikil umhverfissóun í textíliðnaðinum í heiminum.
Rétt er að benda á að smelli fólk að rauðlitaðan texta í þessari frétt færist þið yfir i myndaveislu frá kennslustund hjá Borghildi Ínu.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
