Engin sé ósnortin yfir daglegum fréttum af hörmungum í Úkraínu
Styrktartónleikar fyrir bágstadda í Úkraínu verða haldnir í Akureyrarkirkju þriðjudagskvöldið 29. mars. Það eru organistar kirkjunnar sem tóku sig saman og skipuleggja viðburðinn. Eyþór Ingi Jónsson, organisti segir í samtali við Vikublaðið að efnisskráin sé mjög fjölbreytt og enn sé að bætast við dagskrána. Sigrún Magna Þórsteinsdóttir og Þorvaldur Örn Davíðsson eru hinir organistarnir sem skipuleggja viðburðinn.
Eyþór Ingi segir að engin sé ósnortin yfir daglegum fréttum af hörmungum í Úkraínu og þeir organistarnir hafa rætt sín á milli um hvernig þau mættu rétta fram hjálparhönd. „Við organistarnir hér á skrifstofunni vorum að ræða málin enda eru atburðirnir í Úkraínu mikið í umræðunni. Við fórum að velta því fyrir okkur hvað við gætum gert og fórum að hvetja kollega um allt land til nota starfið til að minna á safnanir og hörmungarnar. Þetta byrjaði nú bara þannig,“ segir hann og bætti við að eitt hafi leitt af öður og nú stefni í stórviðburð.
Mjög fjölbreitt dagskrá
„Við erum komin í samtarf við N4 í tengslum við tónleikana. Þau ætla að sjónvarpa beint frá tónleikunum og vera með svona söfnunardag í tengslum við útsendinguna. Þannig að þetta stækkaði og stækkaði hjá okkur,“ útskýrir Eyþór Ingi.
Nú þegar er staðfest að Kór Akureyrarkirkju, Eldri barnakór Akureyrarkirkju, Hymnodia, Tríóið Bríó, Kristjana Arngrímsdóttir, Elvý Guðríður Hreinsdóttir, Steinunn Arnbjörg Stefánsdóttir og organistarnir þrír, Eyþór Ingi Jónsson, Sigrún Magna Þórsteinsdóttir og Þorvaldur Örn Davíðsson, muni koma fram á tónleikunum. Að sögn Eyþórs Inga er þó tónlistarfólki enn að fjölga sem boðið hafa fram krafta sína.
„Það eru kórar kirkjunnar sem eru að æfa sérstaklega fyrir þetta og síðan tónlistarfólk og hljóðfæraleikar héðan af svæðinu sem leggja okkur lið. Þetta verður mjög fjölbreytt, nú þegar er búið að semja nýja texta fyrir okkur og búið að bjóðast til þessa að semja ný lög sérstaklega fyrir tónleikana. Það eru allir tilbúnir til að gera eitthvað,“ segir Eyþór Ingi
Friðarboðskapur í hávegum
Á tónleikunum verður mikið lagt upp úr því að flytja úkraínska tónlist og jafnframt tónlist með friðarboðskap. Eyþór Ingi hefur verið í sambandi við úkraínska vinkonu sína sem búsett er í Svíþjóð en hún er fiðluleikari.
„Ég hef fylgst með hennar einstöku baráttu í Svíþjóð en hún hefur verið að deila reynslusögum á samfélagsmiðlum af foreldrum sínum sem búa í Úkraínu. Eins hefur tónlistarfólk og kirkjan þar í Svíþjóð verið með virkilega flott framtak, og stutt við fórnarlömb stríðsins.. Vinkona mín hefur verið að senda mér helling af úkraínskri tónlist sem ég get valið úr fyrir tónleikana en hún er fiðluleikari sjálf,“ segir Eyþór Ingi að lokum.
Það fé sem safnast í tengslum við tónleikana og útsendingu N4 rennur til Hjálparstarfs kirkjunnar og fer þaðan óskipt til hjálparstarfa á landamærum Úkraínu, þar sem ACT Alliance hjálpar fólki á ýmsan hátt, til dæmis með mat og drykk, hreinlætisvörur og leikaðstöðu fyrir börn á flótta.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
