Emiliana Torrini og Ásgeir Trausti spila í Hofi á Airwaves-hátíðinni
Línur eru farnar að skýrast hvaða tónlistarmenn muni koma fram á Akureyri á Iceland Airwaves tónlistarhátíðinni. Emiliana Torrini og Ásgeir Trausti eru á meðal þeirra en tónleikar beggja fara fram í Hofi. Hátíðin fer fram dagana 1.-5. nóvember.
Auk þess er staðfest að Mura Masa (UK), Benjamin Clementine (UK), Arab Strap (SCO), Emmsje Gauti, GKR, Mammút, Stefflon Don (UK), JFDR, Alexander Jarl, Xylouris White (GR/AU), Hildur, Daniel OG (UK), KÁ-AKÁ, Sturla Atlas, Cyber og aYia komi fram á Akureyri.
Grímur Atlason, framkvæmdastjóri Iceland Airwaves, segir að enn eigi eftir að tilkynna 5-8 listamenn til viðbótar.
Tónleikar Emiliönu Torrini fara fram á fimmtudeginum en tónleikar Ásgeirs Trausta á föstudeginum í Hofi. Einnig verða tónleikar á Græna hattinum á Airwaves-hátíðinni og stefnt er að því að spilað verði á þriðja staðnum.
Þetta er í fyrsta sinn sem Iceland Airwaves tónlistarhátíðin verður haldin á Akureyri auk Reykjavíkur. Að venju mun hátíðin fara fram á 13 tónleikastöðum í miðbæ Reykjavíkur. Icelandair, stofnaðili hátíðarinnar, í samstarfi við Flugfélag Íslands mun bjóða upp á ferðapakka fyrir erlenda gesti sem geta þannig byrjað dvöl sína á Akureyri og endað í Reykjavík. Flogið verður beint frá Keflavík til Akureyrar.
Boðið er upp á þrjár gerðir af miðum; almennur miði – eitt armband sem gildir á alla viðburði hátíðarinnar, Akureyrarmiði – eitt armband sem gildir á alla viðburði hátíðarinnar á Akureyri og Akureyri plús viðbót – eitt armband sem gildir á alla viðburði hátíðarinnar á Akureyri og alla viðburði hátíðarinnar í Reykjavík dagana 4. og 5. nóvember.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
