„Eldhúsið er ævintýraheimur“
„Matur er menning ekki satt? Eldhúsið er ævintýraheimur, það eina sem þú þarft er hráefnið og áhuga á að prufa eitthvað nýtt,“ segir Vaiva Straukaité sem hefur umsjón með matarkrók vikunnar. „Mér finnst gaman að dansa í kringum pottana með uppáhaldseldhústólin mín, saxa,
hræra, sjóða, baka og gleðja fjölskylduna mína og vinafólk. Hér ætla ég að gefa ykkur smá innsýn í litháenska matargerð. Matarmenningin í mínu heimalandi er rík af góðum súpuuppskriftum, kartöfluréttum og salötum ásamt sínum hefðbundna litháenska bakstri. Það er ótrúlegt hvað er hægt að töfra fram með réttu hráefni sem vel á minnst er auðvelt að nálgast hér á landi.“
Kartöflubaka með beikoni
Uppskrift fyrir 6
2 kg kartöflur
200 g beikon
1 laukur
2 dl mjólk
1 egg
pipar og salt eftir smekk
5 msk. olía til steikingar
Skrælið kartöflur og rífið þær niður með rifjárni eða í matvinnsluvél. Saxið
beikon og lauk í smá bita og steikið á pönnu þar til það verður fallega brúnt. Blandið rifnu kartöflunum vel
saman við eggið ásamt mjólkinni, steiktu beikoni og lauk. Bætið við salti og pipar eftir smekk. Hellið svo
blöndunni yfir í form þannig að blandan verði 4 cm þykk og bakið við 175°C í u.þ.b. 1 klukkutíma og hækkið
svo ofninn í 200°C og bakið í um 35 mín til viðbótar eða þar til kartöflubakan fær fallega skorpu. Bakan er góð sem aðalréttur og sem meðlæti með kjötrétti. Það má sleppa beikoni og nota kjúkling eða annað kjöt í staðinn. Það er líka gott að hafa bökuna sem grænmetisrétt og hún er fullkomin með sýrðum rjóma eða sveppasósu.
Sveppasósa
1 askja ferskir sveppir
1 stk laukur
200 g sýrður rjómi
2 dl rjómi
smá kjöt- eða grænmetiskraftur
salt og pipar eftir smekk
5 msk. olía til steikingar
Saxið sveppina og lauk í smá bita og steikið á pönnu þar til það verður fallega brúnt. Bætið svo sýrðum rjóma og rjóma ásamt salti, pipar og kjöt eða grænmetiskrafti eftir smekk. Hrærið öllu saman og takið af hellunni áður en sósan er farin að sjóða. Sósan er góð með ýmsum kartöflu- og pastaréttum.
Ástarpungar úr skyri
30-35 stk.
500 g óhrært skyr
4 egg
150 g sykur
8 msk. hveiti
1 msk. vanilludropar
5 msk. mjólk
1 tsk. natron
feiti til djúpsteikingar
flórsykur til skreytingar
Þeytið egg og sykur vel saman. Blandið óhrærðu skyri, mjólk og vanilludropum saman í sér skál og
vinnið þar til það er laust við kekki. Blandið öllu saman og bætið afganginum af hráefnunum út í og hnoðið deigið þar til það hefur blandast vel. Búið til 2 cm þykkar kúlur og djúpsteikið eins og venjulegar kleinur eða
ástarpunga. Kælið og sigtið flórsykur yfir.
Gero apetito!
Nýjast
-
Grímseyingar fá 300 tonna viðbótar aflaheimildir án vinnsluskyldu
Byggðastofnun hefur auglýst viðbótaraflaheimildir án vinnsluskyldu fyrir Grímsey, allt að 300 þorskígildistonn fyrir fiskveiðiárin 2024/2025, 2025/2026 og 2026/2027. -
Guðrún Dóra Clarke nýr framkvæmdastjóri lækninga hjá Heilbrigðisstofnun Norðurlands
Guðrún Dóra Clarke hefur verið ráðin í auglýst starf framkvæmdastjóra lækninga hjá Heilbrigðisstofnun Norðurlands (HSN). Stefnt er að því að Guðrún Dóra hefji störf fljótlega og starfi samhliða Erni Ragnarssyni þar til hann lætur af störfum sem framkvæmdastjóri lækninga 1. febrúar n.k. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni.
