20. nóvember - 27. nóvember - Tbl 47
Ekki létt að kveðja gamla flokkinn sem hefur verið mér kær
„Óneitanlega breytast mínir hagir töluvert," segir Anna Kolbrún Árnadóttir nýkjörinn þingmaður fyrir Miðflokkinn í Norðurlandskjördæmi eystra.
„Óneitanlega breytast mínir hagir töluvert. Ég vonaði auðvitað innilega að flokkurinn næði góðum árangri í kjördæminu, en einhvern vegin setti ég sjálfa mig aldrei inni í þá jöfnu og átti því bara alls ekki von á þessum umskiptum,“ segir Anna Kolbrún Árnadóttir nýkjörinn þingmaður fyrir Miðflokkinn í Norðurlandskjördæmi eystra. Hún kveðst í sínum villtustu draumum fyrir kosningar hafa gælt við að Miðflokkurinn fengi 19% fylgi í kjördæminu en fáum sagt frá. Flokkurinn fékk 18,59% atkvæða. Anna Kolbrún skipaði annað sæti listans og er nú orðin einn af þingmönnum kjördæmisins.
Ræturnar liggja í Framsóknarflokknum þar sem hún hefur í áratugi gengt trúnaðarstörfum og verið virk í grasrótinni. Kaflaskil urðu nú á haustdögum þegar Anna Kolbrún sagði skilið við sinn gamla flokk og gekk til liðs við hinn nýstofnaða stjórnmálaflokk, Miðflokkinn.
Áhrifaöfl ekki á þeim buxum að finna sáttaflöt
Alkunna er að væringar hafa hin liðnu misseri verið innan Framsóknarflokksins, þar sem menn hafa skipt sér upp í fylkingar, önnur studdi fyrrverandi formann, hin vildi hann á brott. Sjálf kveðst Anna Kolbrún hafa talið að vilji væri til að læga öldur nú í haust, finna sameiginlega leið og efna til flokksþings í upphafi nýs árs þar farið yrði yfir málin og kosið um formann. „Ég satt best að segja hélt að við værum á þeirri leið, en það sem meðal annars gerði útslagið að svona fór, var að Þórunn Egilsdóttir bauð sig fram í fyrsta sæti á lista Framsóknarflokksins, augljóslega til höfuðs Sigmundi Davíð. Það er vissulega hennar réttur að gera það, en útspilið var greinilega þess eðlis að áhrifaöfl innan Framsóknar voru ekki á þeim buxunum að finna sáttaflöt,“ segir hún. „Það var ekki létt að kveðja minn gamla flokk sem hefur verið mér kær í áratugi, en ég stend með þessari ákvörðun, mér og fleirum var einfaldlega nóg boðið.“
Anna Kolbrún var í opnuviðtali Vikudags í liðinni viku og má nálgast það í heild sinni í prentútgáfunni.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
