„Ég nýt þess að prófa mig áfram með mismunandi hráefni í hæsta gæðaflokki“
Dorian Lesman er pólskur kokkur sem starfar á Fosshótel Húsavík. Auk þess rekur hann veisluþjónustu ásamt Martin Varga eiganda gistiheimilisins Tungulendingar á Tjörnesi.
„Ég er búinn að vinna í eldhúsinu á Fosshótel Húsavík frá því ég kom fyrst til Húsavíkur fyrir fimm árum síðan. Ég byrjaði í uppvaskinu en var fljótur að vinna mig upp í matargerðina enda hef mjög gaman af því að elda. Svo hef ég verið að taka ýmis námskeið á hverju ári, m.a. í sushigerð,“ segir Dorian í samtali við Vikublaðið.
Hann segir að matarvenjur Íslendinga séu mjög frábrugðnar því sem hann átti að venjast í heimalandinu. „Já klárlega, það er eiginlega ekki hægt að bera þetta saman,“ segir hann og bendir á að á jóladag sé yfirleitt á borðum 12 rétta hlaðborð og mikið af fiskréttum. „Það er þannig á flestum heimilum.
Dorian brennur helst fyrir sushigerð og fór í samstaf með téðum Martin í tengslum við það. „Martin fann mig eftir að ég hafði verið að laga sushi á Húsavík í nokkur skipti. Við hófum samstarf og byrjuðum annars vegar að útbúa sushi takeaway þar sem fólk pantaði fyrir fram og fékk afhent á föstudegi eða laugardegi. Svo fórum við að halda sushi hlaðborð í Tungulendingu fyrir hópa. Það hefur gengið mjög vel og við erum búnir að vera með a.m.k. eitt slíkt hlaðborð á mánuði í sumar,“ útskýrir Dorian en vel hefur verið látið af sushi veislum þeirra félaga sem fara fram í Tungulendingu.
„Sushigerðin hefur gefið mér tækifæri til að gera það sem mig langar til í eldhúsinu og ég nýt þess sérstaklega að prófa mig áfram með mismunandi hráefni í hæsta gæðaflokki,“ segir Dorian og bætir við að hann finni fyrir mestu sjálfsöryggi í sushigerðinni. Hún sé hans sérgrein.
„Ég byrjaði að læra sushigerð þegar ég fór til póllands til að vinna á veitingahúsi fyrir nokkrum árum. Svo kom ég aftur til Húsavíkur og hef verið að gera sushi fyrir alla Húsavíkinga síðan,“ segir þessi geðþekki matreiðslumaður en hann deilir með okkur uppskriftum að dýrindis sushi.
Laxatartar
200g ferskur lax – skorinn í þunnar sneiðar.
120g elduð sushi hrísgrón
1 teskeið sesamolía
1 matskeið soja sósa
1 teskeið oa Sriracha
2 matskeiðar af fínt söxuðum graslauk
2 matskeiðar af fínt söxuðum baðlauk
2 matskeiðar af fínt söxuðum skalottlauk
1 matskeið af sítrónuberki
2 matskeiðar steikt hvítt sesam
Svartur pipar
Blandist saman og leggið ofan á hrísgrjónin.
Laxa nigiri
20g elduð sushi hrísgrón fyrir hvern nigiri
1 Þunn laxasneið á hvert nigiri
1 dropa af wasabi undir hverja laxasneið
Sushi rúlla:
80g soðin sushi hrísgrjón
1 avocado
60g af laxabitum
1 matskeið majónes inn í rúlluna
Skreyting:
Wasabi
Engifer
Sojasósa
sauce
Og muna eftir prjónunum.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
