Brot af því besta í Freyvangi
Á 60 ára afmælinu setur Freyvangsleikhúsið upp metnaðarfyllstu leiksýningu, sem hér er sýnd um þessar mundir enda ekki um annað að ræða ef undan er skilin sýningin Kvenfólk hjá LA í túlkun tveggja ágætra manna, sem kalla sig Hundur í óskilum. Lítið annað hefur verið í boði hjá LA nema lélegar tveggja manna sýningar á 100 ára afmæli leikfélagsins og bara heimtaðir meiri peningar.
Það er tilkomumikið og ánægjulegt að eiga kvöldstund með Freyvangsleikhúsinu, nú með leikurum, sem í stórum hópi leggja sig alla fram af
miklum metnaði, dugnaði og gleði í sínum hlutverkum. Þarna er um að ræða leiksýningu þar sem stiklað er á stóru úr mörgum völdum sýningum, Brot af því besta, sem settar hafa verið á svið í gegnum árin. Mest unnið í sjálfboðavinnu og eins og fyrr segir af einskærri gleði.
Það er við hæfi að sýningin byrji á efni úr verkinu Halló Akureyri þar sem gleðin ríkir með hæfilegu fylleríi og gleðskap. Þá kemur
atriði úr stórsýningunni Fiðlaranum á þakinu með Einari Inga Hermannssyni í aðalhlutverki og með sinni sterku rödd skilar hann sínu hlutverki vel.
Atriði úr Dýrunum í Hálsaskógi var ekki hægt að undanskilja enda Mikki refur þar á ferð, vel leikinn af Stefáni Guðlaugssyni, og öðrum vel þekktum í hlutverki músarinnar, Helga Þórssyni.
Góði dátinn Svejk, leikinn af Hjálmari Arinbjarnarsyni, var í áberandi hlutverki og einnig kvenhlutverk, sem hann lék úr Kvennaskólaævintýrinu, fór
Hjálmar á kostum og hef ég ekki séð hann betri fyrr. Ekki má gleyma Soffíu frænku í Kardimommubænum, sem Sædís Gunnarsdóttir skilaði af mikilli prýði.
Að lokum sameinuðust allir leikararnir í atriði úr ABBAsöngleiknum Mamma Mía og mátti þar heyra margar góðar söngraddir, ekki síst
kvenraddirnar, sem gerðu í því að gera gott kvöld betra. Ekki get ég látið staðar numið án þess að minnast á sögumenn, sem komu fram á milli atriða, stórskemmtilegir svo salurinn oft og tíðum sprakk úr hlátri.
Þetta var ógleymanleg kvöldstund og hvet ég Akureyringa og Eyfirðinga alla að njóta stórkostlegrar kvöldstundar með áhugaleikurunum í Freyvangsleikhúsinu því það er sannanlega þess virði. Mig langar að taka það fram að vegna einhverra kosta og gæða í verkefnavali hlýtur það að vera að margoft hafi þessu litla áhugamannaleikfélagi verið boðið til að sýna í sjálfu Þjóðleikhúsinu.
Að lokum, af því mér barst til eyrna að toppurinn á leikhúsferð í Freyvang væri að byrja á að gæða sér á glæsilegu
innihaldi leikhúsmatseðils hjá LambInn á Öngulstöðum, læt ég það fylgja hér með.
-Hjörleifur Hallgríms
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
