„Allt sem ég hef lært, hef ég lært af pabba,“
„Allt sem ég hef lært, hef ég lært af pabba,“ segir Halla Marín Hafþórsdóttir í samtali við Vikudag. Þau feðginin Halla Marín og Hafþór Hreiðarsson (Haffi) opna sameiginlega ljósmyndasýningu í dag klukkan 18:00 í Verbúðunum við Hafnarstétt. Sýningin ber nafnið Heima og að heiman.
Á sýningunni eru mannlífs-, náttúru- og portrettmyndir frá Norðurþingi og Indónesíu. „Þetta eru svona klassískar myndir eftir pabba af náttúru og mannlífi af svæðinu hérna heima. Svo er ég með mannlífs- og portrettmyndir frá Indónesíu,“ segir Halla Marín en hún er rétt komin heim eftir að hafa dvalið í tæpt ár í Indónesíu. Þar var hún að læra Indónesísku í skiptinámi frá Kaupmannahafnar háskóla og lenti að sjálfsögðu í fullt af ævintýrum sem máské hafa ratað á mynd. „Það er gaman að búa einhversstaðar þar sem menningin er allt öðruvísi en maður á að venjast.“
Haffa þarf vart að kynna fyrir Þingeyingum, hann hefur í áratugi skrásett sögu Þingeyinga með ljósmyndavélinni en þetta er í fyrsta sinn sem feðginin halda sýningu saman. „Okkur pabba hefur alltaf langað til að halda sýningu saman en einhvern veginn aldrei komið því í verk. Svo Þegar ég var í Indónesíu þá fór ég að taka nokkurn veginn eins myndir og pabbi hefur verið að taka hérna heima. Mannlífsmyndir af fólki í sínu daglega amstri,“ segir Halla Marín og bætir við: „Það er svo gaman að bera þessar myndir saman, frá sitt hvorri heimsálfunni,- sitt hvorum menningarheiminum; að sjá hvað þetta eru í rauninni svipaðar myndir, hvernig daglegt líf á Húsavík og Indónesíu er í rauninni eins, en samt svo ólíkt.“
Sýningin opnar sem fyrr segir klukkan 18:00 í dag og verður opin eitthvað fram á kvöld.
Föstudag og laugardag verður opið frá hádegi til kl 18, sunnudag til kl 16.
Í sömu verbúð er Katrín Kristjánsdóttir með myndlistarsýninguna Hugarró. Katrín er ný útskrifuð frá Listaháskóla Íslands.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
