20. nóvember - 27. nóvember - Tbl 47
Allir fara glaðir frá borði
Krakkarnir fóru allir glaðir frá borði. Myndir: Sigfús Ólafur Helgason
mth@vikubladid.id
Hollvinafélag Húna ll hefur undanfarin fimmtán ár boðið börnum sem eru að hefja nám í sjötta bekk grunnskóla upp á siglingu með skipinu. Krakkarnir renna fyrir fisk úti á Eyjafirði, gert er að og aflanum og fylgjast þeir yfirleitt spenntir með, en einnig fræðast þau um sjómennsku almennt. Iðnaðarsafnið á Akureyri á Húna ll.
„Þetta glæsifley sem rekið er af miklum myndarskap af Hollvinafélagi Húna ll og verður ekki gert betur, hefur nú í 15 ár haft það hlutverk á hverju hausti þegar grunnskólar bæjarins byrja að bjóða börnum sem eru að hefja nám í sjötta bekk að sigla með skipinu. Þetta er og hefur verið ákaflega vinsælt,“ segir Sigfús Ólafur Helgason hjá Iðnaðarsafninu.
Skemmtilegasta verkefnið
Hann segir Þorstein Pétursson, Steina Pje sem hafi verið vakinn og sofinn yfir þessu verkefni alla tíð sem og yfir skipinu sjálfu segi þetta verkefni það allra skemmtilegasta sem Húnamenn fáist við. „Þetta er það skemmtilegasta sem þeir gera, að bjóða börnunum um borð, sigla í tvo til þrjá tíma um Eyjafjörð og fræða þá um ýmislegt sem viðkemur sjómennskunni. Það hefur aldrei komið upp að krakkarnir fari ekki glaðir frá borði eftir siglinguna.“
Þorsteinn Pétursson segir að nú hin síðari ári fari á bilinu 3 til 400 nemendur með í siglingu, en til að byrja með þegar þær voru einungis í boði fyrir grunnskóla á Akureyri var fjöldinn um 200 krakkar. Siglingin hefur verið í boði frá árinu 2007 eða í 15 ára og því skipta þau þúsundum börnin sem notið hafa ferðanna um árin.
Viljugri að borða fisk
Skólum sem þiggja siglingu með Húna er alltaf að fjölga. Allir grunnskólar Akureyrarbæjar nýta sér ferðina, en til viðbótar hafa grunnskólar við Eyjafjörð bæst í hópinn. Þar má nefna Hrafnagilsskóla, Valsárskóla, Þelamerkurskóla og grunnskólana á Grenivík, í Hrísey og á Dalvík. Stefnt er að því að grunnskólinn í Fjallabyggð muni einnig vera með. Akureyrarbær, Auðlindadeild Háskólans á Akureyri og Samherji styrkja siglinguna.
„Þetta hefur verið mjög skemmtilegt og gefandi. Við fáum mjög góð viðbrögð frá öllum, börnunum sjálfum, kennurum og skólastjórnendum, það eru allir ánægðir með þetta,“ segir Þorsteinn. „Það er margt gott sem kemur út úr þessu, eitt er að krakkarnir eru viljugri að borða fisk eftir að hafa farið í siglingu með okkur og það er svo sannarlega jákvætt.“
Lofsvert framtak
„Ég fór eina ferð um daginn og var hún mjög eftirminnileg, þegar við sigldum inn á Poll rákumst við á þrjár andanefjur sem höfðu hreiðrað þar um sig og krakkarnir sáu þær í mikilli nálæg við skipið,“ segir Sigfús. Í siglingunni voru krakkar úr Brekkuskóla, einni kennaranna sem með var í för hafði verið í fyrsta nemendahópnum sem fór í Húnasiglingu árið 2007. „Þetta framtak Húnamanna er lofsvert, ég dáist að þeim fyrir að bjóða upp á þetta verkefni, skipið sjálft er alveg frábært og viðhald þess einstakt enda má segja að í áhöfn skipsins sé einvala lið manna sem lagt hafa líf og sál í að varðveita bátinn,“ segir Sigfús.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
