20. nóvember - 27. nóvember - Tbl 47
Akureyringar slógu í gegn á festivali í Danmörku
Frá vinstri á mynd; Rafn Sveinsson, Friðrik G. Bjarnason, Ingólfur Jóhannsson, Árni Ketill Friðriksson og Sigurður Albertsson.
Fimm manna hljómsveit frá Akureyri spilaði nýverið á árlegri hátíð í Óðinsvéum í Danmörku, sem nefnist Havnekultur Festival, og lék þar íslensk lög. Um þriggja daga hátíð er að ræða en Akureyringarnir spiluðu á laugardeginum.
Rafn Sveinsson tónlistarmaður er einn meðlima hljómsveitinnar, sem nefnist Hekla, og segir það hafa verið fyrir tilviljun að sveitin kom þarna fram. „Sonur minn býr í Óðinsvéum og er formaður Íslendingafélagsins þar. Ætli megi ekki segja að ég hafi nýtt mín sambönd,“ segir Rafn og hlær.
Auk hans skipa hljómsveitina þeir Sigurður Albertsson, Árni Ketill Friðriksson, Friðrik Bjarnason og Ingólfur Jóhannsson, sem kom í stað Pálma Stefánssonar, sem ekki gat farið.
„Þetta atvikaðist þannig að ég var staddur í Óðinsvéum þar sem barnabarn okkar hjónanna var að fermast. Þar hitti ég konu sem kemur að hátíðinni og það barst í tal að ég væri með hljómsveit á Akureyri. Ég sagði við gætum nú alveg komið og spilað. Svo þróaðist þetta áfram og áður en ég fór heim var ég búinn að skrifa undir samning um að við myndum koma,“ segir Rafn. Laugardagurinn var sérstakur íslenskur dagur og spiluðu Rafn og félagar samtals í fjóra tíma. „Þetta var mjög erfitt en rosalega gaman,“ segir hann. Hann segir þá félaga hafa vakið mikla lukku með al gesta.
„Ég var spurður eftir hátíðina hvort við værum ekki pottþéttir á næsta ári en ég sagðist ætla skoða hvort við yrðum lausir,“ segir Rafn og hlær. „Þetta var mjög ánægjulegt og það voru svo margir Íslendingar sem komu til okkar eftir tónleikana að við ætluðum aldrei að komast í burtu. Þannig að það er aldrei að vita nemum við endurtökum leikinn að ári."
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
