20. nóvember - 27. nóvember - Tbl 47
Afmæli Akureyrarbæjar 2021
Akureyrarkirkja.
Akureyrarbær fagnar 159 ára afmæli sínu sunnudaginn 29. ágúst og verður því fagnað með ýmsu móti um helgina. Venjan hefur verið að halda Akureyrarvöku sem næst afmælinu en vegna COVID-19 hefur henni verið aflýst. Þeir viðburðir sem verða á dagskrá helgina 27.-29. ágúst í tilefni afmælis sveitarfélagsins lúta ströngum samkomutakmörkunum og verður sóttvarna að sjálfsögðu gætt í hvívetna, er segir í tilkynningu á vef bæjarins.
Myndlist, tónlist og ljósasýningar skipa háan sess um helgina og má þar nefna að efnt verður til sönglagatónleika með þátttöku sundlaugargesta í Sundlaug Akureyrar á föstudeginum og þrennir tónleikar verða haldnir á veitingastaðnum Barr í Hofi þar sem koma fram Andrea Gylfadóttir, Pálmi Gunnarsson, Ösp og Örn Eldjárn, Tríó Akureyrar og fleira tónlistarfólk. Tvær nýjar sýningar verða opnaðar í Listasafninu á Akureyri laugardaginn 28. ágúst. Þar er annars vegar um að ræða sýningu Heklu Bjartar Helgadóttur og hins vegar sýningu á útilistaverki eftir Ragnar Kjartansson.
Ekki má heldur gleyma „Ljósunum í bænum“ þar sem valin hús verða lýst á litríkan, listrænan og skemmtilegan hátt. Vídeólistaverk Heimis Hlöðverssonar, sem var unnið sérstaklega fyrir Menningarhúsið Hof í tilefni 10+1 árs afmælis þess, verður frumsýnt og einnig verður vídeólistaverkum varpað á Listasafnið á Akureyri. Önnur hús sem verða upplýst með ýmsu móti eru Akureyrarkirkja, Glerárkirkja og aðstöðuhús siglingaklúbbsins Nökkva, auk þess sem ljósadýrð verður í Lystigarðinum og víðar um bæinn.
Að neðan er dagskrá helgarinnar en nánari upplýsingar er að finna á hallóakureyri.is.
Föstudagurinn 27. ágúst
Kl. 17.00–19.00: Sundlaug Akureyrar
Syngjum í sundi – afmælistónleikar með þátttöku sundlaugargesta
Hljómsveitin Súlur
Kl. 17.00–18.00: Barr kaffihús
Ljúfir tónar í Hofi – blús- og djassstandardar
Andrea Gylfadóttir, Pálmi Gunnarsson, Kristján Edelstein og Halldór Gunnlaugur
Kl. 21.00–00.30: Valdar byggingar
Ljósin í bænum
Laugardagurinn 28. ágúst
Kl. 12.00–13.00: Barr kaffihús
Ljúfir tónar í Hofi – frumsamið efni og hugljúf íslensk dægurlög
Örn Eldjárn og Ösp Eldjárn
Kl. 12.00–23.00: Listasafnið á Akureyri
Villiljóð – Opnun
Hekla Björt Helgadóttir
Undirheimar Akureyrar – Opnun
Ragnar Kjartansson
Kl. 13.00–16.00: Aðalstræti 6
Markaður Lionsklúbbsins Ylfu
Kl. 14.00–14.15: Sundlaug Akureyrar
Dansandi rómantísk akróbatík
Tinna Sif og Jacob Wood
Kl. 14.00–21.00: Portið milli Rub23 og Pennans Eymundsson
Verk Margeirs Dire Sigurðssonar endurgert
Örn Tönsberg og Finnur Fjölnisson
Kl. 15.00: Listasafnið á Akureyri
Listamannaspjall með Ragnari Kjartanssyni
Kl. 15.30–18.30: Sundlaug Akureyrar
Plötusnúður á bakkanum
DJ Glódís
Kl. 17.00–18.00: Barr kaffihús
Ljúfir tónar í Hofi – íslensk og erlend dægurlög
Tríó Akureyrar - Valmar Väljaots, Jón Þorsteinn Reynisson og Erla Dóra Vogler
Kl. 21.00–00.30: Valdar byggingar
Ljósin í bænum
Sunnudagurinn 29. ágúst
Kl. 9.00–11.00: Sundlaug Akureyrar
Morgundjass
Gítardúóið BabyBop - Dimitrios Theodoropoulos og Jóel Örn Óskarsson
Kl. 11.00-12.00: Listasafnið á Akureyri
Fjölskylduleiðsögn um sýninguna Ferðagarpurinn Erró
Kl. 14.00–15.30: Sundlaug Akureyrar
Tónleikar á bakkanum
Hljómsveit Ara Orra og Dream the Name
Kl. 21.00–00.30: Valdar byggingar
Ljósin í bænum
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
