Aðsókn komin í eðlilegt horf
Sumarið hefur farið vel af stað í Hvalasafninu á Húsavík. Samkvæmt upplýsingum frá Evu Björk Káradóttur framkvæmdastjóra hafa yfir 26.000 gestir heimsótt safnið það sem af er ári. Allt bendir til þess að aðsókn til Húsavíkur sé komin í fyrra horf frá því sem þekktist fyrir covid.
Eva segir að það kenni ýmissa grasa innan veggja safnsins þar sem mikil uppbygging hafi átt sér stað á undanförnum tveimur árum og mörg ný verkefni séu í farveginum.
Heillandi veröld sýndarveruleika
„Við erum mjög spennt fyrir því að kynna nýja tímabundna sýningu sem kallast Leiðangrar yfir Norður Atlantshafið. Gestir munu stíga inn í sýndarveruleika þar sem þeir upplifa heillandi veröld og taka þátt í tveim leiðöngrum um borð í seglbátnum Barba. Lagt er af stað frá Noregi og þaðan geta þátttakendur valið um að sigla til Svalbarða eða jafnvel alla leið heim til Íslands að Skjálfandaflóa. Siglt er í gegn um stórbrotið heimskauta landslag þar sem ýmsum hvölum bregður fyrir á leiðinni og þátttakendur læra um hvað vísindamenn eru að gera til þess að vernda hvalina,“ útskýrir Eva.
Markmið sýningarinnar er að veita innsýn í starf vísindamanna og sýna frá því hvernig rannsóknir eru framkvæmdar á vettvangi. Gestir sýningarinnar upplifa sig sem einn af teyminu í rannsóknarleiðangrinum. Sýningin verður opin frá 22. ágúst til 5. september. Eftir það verður efni sýningarinnar nýtt til kennslu í Borgarhólskóla og eftir það verður hún sett upp í söfnum og skólum í Noregi og Danmörku.
Kvikmyndahátíð í annað sinn
Um helgina verður kvikmyndahátíðin Ocean Films Húsavík haldin í annað sinn. „Þema hátíðarinnar er hafið og allar myndirnar sem voru valdar inn eiga það sameiginlegt að tengjast hafinu með einhverjum hætti,“ útskýrir Eva og bendir á að myndum sé skipt í alþjóðlegan-, norrænan- og nemenda flokk og að verðlaun verði veitt fyrir bestu myndina í hverjum flokki.
Alls keppa 15 myndir til verðlauna á hátíðinni sem fer fram 19. og 20. ágúst í Hvalasafninu. Aðgangur að hátíðinni er ókeypis og dyrnar verða opnar frá 18:45 fram til kl. 23. Dagskráin er aðgengileg á heimasíðu hvalasafnsins.
Skóglendi hafsins
„Þeir sem hafa heimsótt safnið í sumar hafa tekið eftir nýrri sýningu sem við erum að leggja lokahönd á og ber titilinn Skóglendi hafsins. Sýningin er styrkt af safnaráði og er unnin í samstarfi við Erlend Bogason,“ segir Eva en Erlendur er einn reynslumesti kafari Íslands. Hann rekur köfunarmiðstöðina Strýtuna í Eyjafirði og setti upp vefsíðuna Sjáfarlíf sem er fræðsluvefur um lífríki hafsins við Ísland. „Myndefni frá Erlendi er nýtt til þess að skapa upplifun af því að standa á botni sjávar undir fallegum gróðri sem dansar róandi með hafstraumum. Lífríki í þaraskógum er með því þéttsetnasta sem þekkist á jörðinni, og sjávargróður framleiðir meira en helming alls súrefnis á jörðinni. Þetta er vistkerfi sem er viðkvæmt fyrir breytingum og því er mikilvægt að við séum meðvituð um þau áhrif sem við, mannveran, völdum,“ segir Eva og bætir við að á næstu vikum verði Húsavíkingum og nærsveitungum boðið á formlegar opnanir tengdum þessum viðburðum. „Við vonumst innilega til að sjá sem flesta,“ segir Eva að lokum og minnir á að öllum standi til boða að kaupa árskort í safnið á sama verði og venjulegur aðgöngumiði. Þá séu börn 17 ára og yngri velkomin án greiðslu.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
