20. nóvember - 27. nóvember - Tbl 47
Að kæra ofbeldi er annað áfall
Karen Birna er vísindamaður mánaðarins.
Karen Birna Þorvaldsdóttir er doktorsnemi við Heilbrigðisvísindasvið Háskólans á Akureyri. Rannsóknir hennar snúa að hjálparleit eftir að hafa orðið fyrir kynbundnu ofbeldi.„Ein af mínum fyrstu rannsóknum var að kanna reynslu íslenskra kvenna af því að kæra nauðgun. Í ljós kom að þátttakendur upplifðu það að kæra ofbeldið sem annað áfall ofan á hitt og bentu niðurstöðurnar til þess að langt væri í land að réttarvörslukerfið hér á landi gæti talist brotaþolavænt og áfallamiðað,“ segir Karen Birna.
Vann að umbótaverkefni í þágu þolenda kynferðisbrota
Í framhaldi af þeirri rannsókn tók Karen Birna þátt í verkefni í þágu þolenda kynferðisbrota á vegum Lögreglustjórans á Norðurlandi eystra, SAk, HSN, Héraðssaksóknara og HA. Verkefnið snéri að því að veita þolendum kynferðisbrota sálfræðiaðstoð eftir skýrslutöku hjá lögreglu og að breyttu fyrirkomulagi varðandi hvernig brotaþolum er tilkynnt um niðurfellingu máls.
Í doktorsverkefninu er Karen Birna að rannsaka hvað það er sem annars vegar hindrar og hins vegar stuðlar að því að þolendur ofbeldis í nánu sambandi á Íslandi leiti sér hjálpar. Núna er Karen Birna þó ekki að horfa til þess þegar þolendur leita til réttarvörslukerfisins heldur þegar þeir leita sér hjálpar vegna áfallsins, til þess að vinna úr sinni reynslu og öðlast bætta líðan og heilsu.
Afinn var fyrsti Fulbright styrkþeginn
Karen Birna tekur hluta af doktorsnáminu við University of Michigan í Bandaríkjunum og er nýkomin til landsins eftir hálfs árs rannsóknardvöl við þann háskóla. Til þess hlaut hún Fulbright styrk og dvaldi við Michigan Mixed Methods rannsóknarstofnunina sem er í fremstu röð í heiminum. „Það er gaman að segja frá því að langafi minn var fyrsti íslenski Fulbright styrkþeginn og núna rúmlega 60 árum seinna varð ég ásamt tveimur öðrum konum fyrstu íslensku styrkþegarnir til þess að hljóta Fulbright styrk til rannsóknardvalar sem doktorsnemar“, segir Karen Birna.
Hvað varð til þess að þú ákvaðst að fara í doktorsnám við Háskólann á Akureyri?
„Ég vildi halda áfram að sérhæfa mig á sviði sálrænna áfalla og ofbeldis en við HA er mikil sérþekking á því sviði. Doktornámið er verkefnamiðað og í þverfræðilegu umhverfi sem mér fannst spennandi.
Hvaðan er Karen Birna?
Karen Birna er fædd árið 1993 á Akureyri en ólst upp fyrstu árin á Ólafsfirði og seinna á Brekkunni á Akureyri. Hún lauk stúdentsprófi frá Menntaskólanum á Akureyri árið 2013 og þaðan lá leið hennar í Háskólann á Akureyri. Karen Birna útskrifaðist árið 2017 með BA gráðu í sálfræði og kláraði meistarapróf í heilbrigðisvísindum með áherslu á sálræn áföll og ofbeldi frá HA árið 2019. Sama ár hóf hún doktorsnám í heilbrigðisvísindum við HA. Hún hefur kennt við háskólann sem stundakennari frá árinu 2019, situr í stjórn Rannsóknamiðstöðvar gegn ofbeldi við HA og er varamaður í stjórn Bjarmahlíðar – miðstöðvar fyrir þolendur ofbeldis.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
