20. nóvember - 27. nóvember - Tbl 47
100 bleikar slaufur prýða miðbæ Akureyrar
Inga Vestmann og Vilborg Jóhannsdóttir hafa unnið að því að hengja upp slaufur í miðbæ Akureyrar. Mynd/Pedromyndir
Dömulegir dekurdagar fara fram á Akureyri um helgina, dagana 5.-8. október en viðburðurinn var fyrst haldinn í október árið 2008 og hefur vaxið og dafnað frá þeim tíma. Í október prýða stórar bleikar slaufur ljósastaura í miðbæ Akureyrar en í tilkynningu segir að undirbúningsnefndin eigi heiðurinn að því að handbinda slaufur um allan bæ en nefndina skipa þær Vilborg Jóhannsdóttir í Centro og Inga Vestmann í Pedromyndum og er markmiðið tvíþætt; að lífga upp á bæinn og að minna konur á að fara í Krabbameinsskoðun. Fyrirtæki og einstaklingar eru hvattir til að taka slaufu í fóstur, setja sig í samband við Dömulega dekurdaga og nefndin mætir á svæðið til að hengja upp. Þess utan er tilgangur Dömulegra dekurdaga að glæða bæinn lífi, fá vinkonuhópa, systur, mæðgur, dætur og vinnufélaga á Akureyri til að koma í bæinn og hópa til að koma norður.
3 milljónir söfnuðust í fyrra
Dömulegir dekurdagar er nú orðinn einn helsti styrktaraðili Krabbameinsfélags Akureyrar og nágrennis. Hátt í 100 aðilar voru með á síðasta ári og var afrakstur af þátttökugjöldum, klútasölu, slaufum í staura og einstökum framlögum í tengslum við Dömulegu dagana um 3 milljónir króna. Framlagið er notað til að greiða leigu fyrir krabbameinssjúklinga sem þurfa að sækja þjónustu í veikindum til Reykjavíkur. Einnig eru seldir klútar sem eru sérmerktir Dömulegum dekurdögum. Nýtt mynstur er gert ár hvert og vaskur hópur kvenna handþrykkir á klútana. Þeir eru gjöf til verkefnisins þannig að upphæðin sem kaupendur greiða rennur öll til Krabbameinsfélags Akureyrar og nágrennis.
Sem fyrr segir hefur viðburðurinn vaxið mikið frá árinu 2008 og sífellt fleiri fyrirtæki taka þátt. Verslanir á Glerártorgi eru opnar fram á kvöld á fimmtudag og ýmsar uppákomur í gangi. Verslanir í miðbænum eru flestar opnar fram eftir kvöldi á föstudag og í ár verða valdir veitingastaðir með gestakokka á vegum Food & fun þessa sömu daga. Lokakvöld Dömulegra Dekurdaga verður fimmtudagskvöldið 2. nóvember á Icelandanir hótelinu á Akureyri. Þar verður tónlist, áhugaverðir fyrirlestrar og reynslusögur kvenna og fulltrúum Krabbameinsfélags Akureyrar og nágrennis verður afhentur afrakstur fjáröflunar í bleikum október.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
