20. nóvember - 27. nóvember - Tbl 47
Zumba í sundi nýjast nýtt í líkamsrækt
Þórunn Kristín stýrir Zumbanu á bakkanum.
Á nýju ári er gjarnan vinsælt hjá fólki að efla heilsuna og finna sér líkamsrækt við hæfi. Það nýjasta nýtt á Akureyri er Zumba í sundi en Þórunn Kristín Sigurðardóttir, hjúkrunarfræðingur og Zumba-kennari, byrjaði með Aqua Zumba í haust og hefur það vakið mikla lukku en tímarnir fara fram í Sundlaug Akureyrar. Þórunn Kristín mun vera með tvö námskeið á nýju ári.
„Ég tók réttindin í Zumba árið 2014 og var búin að bæta við mig Zumba Kids líka og ætlaði að láta þar við sitja. Síðan frétti ég af Aqua Zumba námskeiði með einum fremsta kennaranum í bransanum og ákvað slá til. Þetta er gjörólíkt öllu því sem hefur verið í boði hérna og hefur vakið mikla athygli,“ segir Þórunn. Hún segir Aqua Zumba, sem nefna mætti Zumba í vatni á góðri íslensku, vera góða alhliða líkamsrækt.
„Það er lítið álag á liði, því vatnið styður við liðamótin og því er þetta kjörið fyrir fólk í yfirþyngd, með gigt eða stoðkerfisvandamál. Þó svo við notum vöðvana meira í vatni vegna mótstöðunnar þá er hægt að stunda hreyfingu í vatni miklu lengur og með minni afleiðingum en æfingar á landi. Það verður meira jafnvægi í notkun vöðva. Við getum stjórnað auðveldlega hvað við fáum út úr hverjum Aqua Zumba tíma, bara með því hvernig við beitum okkur, hvernig við spennum magann og hvernig við nýtum mótstöðuna í vatninu.Vatnið hefur mjög góð áhrif á hjarta- og æðakerfið og því hentar Aqua Zumba vel fólki sem glímir við t.d. of háan blóðþrýsting og þess háttar. Vatnið lækkar hjartsláttinn þannig að púlsinn verður ekki rosalega hraður miðað við sambærilega hreyfingu á landi. Rannsóknir hafa einnig sýnt að hreyfing í vatni hefur góð áhrif á andlega líðan, sé spennulosandi og hreinsi hugann.“
Smellt í eina sjálfu eftir góðan Zumba í sundi.
Þátttakan fram úr björtustu vonum
,,Hugmyndin af Aqua Zumba er að það er búið að yfirfæra spor úr Zumba yfir í vatn. Við erum að gera mjög svipaðar hreyfingar eins og í hefðbundinni vatnsleikfimi en við erum að setja þær saman á annan hátt, erum að setja þær í rútínu. Við erum að dansa.“ Þórunn segir þátttökuna hafa verið góða. „Ég var með fyrsta námskeiðið núna í september sl. til desember og skráning fór fram úr björtustu vonum. Það voru tæplega 30 manns sem skráðu sig á fyrsta á námskeiðið og ég þarf að takmarka skráningu á námskeiðin sem hefjast núna á nýju ári. Þátttökufjöldi miðast við 15 í tímum, til að fólk sé ekki í troðningi og fái sem mest út úr tímunum.“
Hún segir aðallega konur sem sækja í Aqua Zumba en þetta sé þó ekki síður fyrir karla og henti fólki á öllum aldri. „Þetta er mun breiðari aldurshópur en í venjulegu Zumba. Yngstu þátttakendurnir eru á þrítugsaldri og elstu eru á sextugsaldri, þetta er mjög fjölbreytilegur hópur sem er skemmtilegt og það er mjög gaman að sjá hvað þessar konur ná vel saman þrátt fyrir þennan aldursmun.“ Ný námskeið hefjast 9. janúar nk. og síðan 20. mars. Bæði námskeiðin eru átta vikur. Hægt er að vera 1 eða 2 sinnum í viku, en einnig er hægt að kaupa fimm tíma klippikort á annað hvort námskeiðið.
„Ég hef einnig boðið upp á að kaupa staka tíma, ef fólk vill koma og prófa. Það er hægt er að skrá sig á thks1981@gmail.com en einnig er hægt að fylgjast með á Facebook-síðunni „Zumba með Þórunni" þar sem hægt er nálgast frekari upplýsingar,“ segir Þórunn og bætir við: ,,Svo má líka nefna að það hefur færst í aukana fyrir sunnan að fara með vinkonuhópinn í Aqua Zumba í gæsun og einnig sem hópefli. Svo fólk má endilega hafa samband við mig hvað það varðar.“ segir Þórunn.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
