„Viljum að sjálfsögðu ekki lenda í störukeppni við ríkið“
Á sveitarstjórnarfundi í Norðurþingi fimmtudaginn 19. janúar var lagður fram til afgreiðslu viðauki við verkkaupasamning vegna byggingar hjúkrunarheimilis á Húsavík.
Í viðaukanum er m.a. kveðið á um skiptingu á byggingu tengigangs á milli ríkis og sveitarfélaganna í sömu hlutföllum og í byggingu hjúkrunarheimilisins eða 85% kostnaður á ríki og 15% á sveitarfélögunum. Þá er gert ráð fyrir að hætta við byggingu á fjölnota sal en önnur rými sem falla að öllu leyti á sveitarfélögin verði eign Dvalarheimilis aldraðra sf. og til ráðstöfunar og útleigu af hálfu þess félags.
Sveitarstjórn samþykkti samhljóða fyrir sitt leyti fyrirliggjandi viðauka.
Þá ítrekaði sveitarstjórn mikilvægi þess að samningsaðilar óski eftir leyfi fjármála- og efnahagsráðuneytisins fyrir útboði á verklegri framkvæmd við Hjúkrunarheimilið á Húsavík sem fyrst, byggt á uppfærðum stærðar- og kostnaðartölum í viðauka VK-23005.
„Ég vil að það komi fram hérna að það sem við ákváðum á fundi sveitarfélaganna 2. janúar að óska eftir því að fjölnota salurinn yrði felldur út úr tillögunni, kostnaður sem fellur eingöngu á sveitarfélögin,“ sagði Katrín Sigurjónsdóttir, sveitarstjóri Norðurþings og bætti við að ferlið allt taki 33 mánuði, þar af sé útboðsferlið þrír mánuðir.
Við eigum eftir að ganga frá með ráðuneytinu að við þurfum að gera viðauka með samningnum vegna kostnaðar við tengiganginn. Auðvitað er þetta háð því að það fáist verktaki í verkið sem við vitum ekkert hvernig gengur áður en útboðið fer í gang,“ sagði Katrín enn fremur.
Áki Hauksson, M-lista spurði hvort komið hafi til tals hvort sveitarfélögin gætu fylgt ríkinu í einhvers konar lánapakka. Katrín svarað því að gert væri ráð fyrir að greiðslubyrði sveitarfélaganna vegna framkvæmdanna myndi dreifast á sjö ár.
Hjálmar Bogi Hafliðason tók til máls og lýsti furði sinni á því að sveitarfélögin væru að draga vagninn varðandi það að koma uppbyggingunni af stað. Þetta væri sannarlega málaflokkur sem ríkið bæri ábyrgð á.
„Við viljum að sjálfsögðu ekki lenda í störukeppni við ríkið sem þó ber ábyrgð á málaflokknum. Þessi undarlega staða að við sem berum ekki ábyrgð á þjónustunni að það séum við sem erum að draga vagninn fyrir ríkið sem ber ábyrgð á þjónustunni. Þetta er alveg galið en við þurfum að komast af stað með þetta verkefni,“ sagði Hjálmar.
Nýjast
-
Elfar Árni er kominn heim
Völsungur styrkir sig fyrir baráttuna í Lengjudeildinni -
Götuhornið - Kona í Miðbænum skrifar
Á götuhorninu var að sjálfsögðu verið að ræða komandi kosningar enda í mörg horn að líta þegar kemur að því hvert skal greiða atkvæði á laugardaginn kemur. -
Verðkönnun vegna Húsavíkurflugs
Vegagerðin hefur sent út verðkönnun til nokkurra flugfélaga hér á landi varðandi áætlunarflug á milli Húsavíkur og Reykjavíkur. Frestur til að skila inn svörum rennur út á morgun, fimmtudag og samkvæmt upplýsingum frá Vegagerðinni verður ákvörðun tekin í framhaldi af því. -
Framtíðin er núna
Það er áhugavert að heyra hvernig flestir stjórnmálamenn tala um „málefni ungs fólks“. Þeir setja mynd á Instagram um námslán eða halda málfund um fæðingarorlof. Kannski er þessi umfjöllun upplýsandi fyrir einhvern, en fyrir flestum sem tilheyra hópnum „ungt fólk“ eru hún frekar undarleg – vegna þess að hagsmunir ungs fólks afmarkast ekki við einstök loforð, þeir eru hagsmunir allra. -
Styrkur frá starfsmönnum ÍME
Starfsmannafélag Íþróttamiðstöðvar Eyjafjarðarsveitar stóð fyrir fjársöfnun í bleikum október til handa Krabbameinsfélagi Akureyrar og nágrennis. -
Stóri fýlupósturinn eða allt er gott sem endar vel :-)
Í Kjarnaskógi hafa starfsmenn Skógræktarinnar tekið gleði sína á ný og við þá líka en ekki hvað, enda fátt betra en það sem endar vel. Þetta hér fyrir neðan má lesa á Fb vegg þeirra í morgun. -
Safnar gripum sem framleiddir voru á Plastiðjunni og Iðjulundi
Sigurrós Tryggvadóttir, iðjuþjálfi á Plastiðjunni Bjargi Iðjulundi (PBI) er í viðtali á heimasíðu Akureryarbæjar þar sem hún segir frá söfnun sem hún stendur fyrir á gömlum framleiðsluvörum frá PBI. -
Æi stundum er fólk alltof upptekið af þvi að sýna að það sé fxxl
Tilgangslaus skemmdarverk sem gera ekkert annað en svekkja saklausa fara í taugarnar á öllu venjulegu fólki. Það er þvi engin furða að starfsfólk Skógræktarfélagsins hafi verið pirrað í dag eins og lesa má hér fyrr neðan. -
Hagnaður bankanna gríðarlegur en samfélagsleg ábyrgð engin
Trúnaðarráð Félags verslunar- og skrifstofufólks Akureyri og nágrenni (FVSA) og Sjómannafélag Eyjafjarðar ítreka nauðsyn þess að sveitarfélögin sýni ábyrgð og styðji við kjarasamninga með því að halda aftur af hækkunum á gjaldskrám.
