Vikudagur kemur út í dag
Í Vikudegi sem kemur út í dag er m.a. ítarlegt viðtal við listamanninn Snorra Ásmundsson. Óhætt er að segja að Snorri fari sínar eigin leiðir í lífinu. Hann á það til að ganga fram af fólki með uppákomum sínum en lætur gagnrýnina ekki á sig fá. Snorri gekk í gegnum dimma dali í klóm Bakkusar í nokkur ár en segir listina hafa komið sér til bjargar. Vikudagur fékk sér kaffibolla með Snorra og spjallaði við hann um listina og lífið sjálft.
-Gunnar Gíslason, bæjarfulltrúi Sjálfstæðisflokksins á Akureyri, vill skoða þann möguleika að bærinn taki yfir rekstur Akureyrarflugvallar. Málefni Akureyrarflugvallar voru til umræðu á síðasta bæjarstjórnarfundi. Halla Björk Reynisdóttir, forseti bæjarstjórnar á Akureyri, segist tilbúinn til að skoða þá leið að Akureyrarbær tæki yfir reksturinn ef ríkið og Isavia dragi lappirnar og hafi ekki trú á verkefninu.
-Bæjarráð Akureyrar hefur samþykkt ráðningarsamning nýs bæjarstjóra og er rýnt í samninginn í blaðinu.
-Bókin „Ævintýri í Austurvegi-Strákarnir okkar á HM í Rússlandi“ kom út á dögunum en það er blaðamaðurinn Skapti Hallgrímsson sem skrifaði bókina. Í bókinni eru um 200 ljósmyndir, þar af 170 sem Skapti tók sjálfur en hann fylgdi liðinu eftir í Rússlandi í sumar.
-Finnur Yngvi Kristinsson tók við starfi sveitarstjóra í Eyjafjarðarsveit í sumar. Finnur Yngi er Mosfellingur en segist líka vel við lífið í Eyjafjarðarsveit. Vikudagur fékk Finn Yngva í nærmynd.
-Helga Sigrún Ómarsdóttir sér um Matarhornið þessa vikuna og kemur með þrjár úrvalsuppskriftir.
Þetta og meira til í Vikudegi í dag. Áskriftarsíminn er 460-0750 og 860 6751. Einnig er hægt senda póst á askrift@vikudagur.is.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
