Vikublaðið kemur út í dag
Vikublaðið kemur út í dag og að vanda kennir ýmissa grasa í blaði vikunnar þar sem finna má áhugaverðar fréttir og skemmtilegt mannlífsefni.
Meðal efnis:
*Fjallað er um fyrirhugaða stækkun þekkts húss í miðbæ Akureyrar og þar sem áhugaverðar hugmyndir eru á lofti um að bjóða bænum til afnota.
*Helena Eyjólfsdóttir er landsmönnum góðkunn en hún söng sig inn í hjörtu íslensku þjóðarinnar sem barn og hefur gert ófáar dægurlagaperlurnar ógleymanlegar á löngum ferli sem söngkona. Helena vakti nýverið athygli í þættinum Það er komin Helgi þar sem hún mætti í heimsókn í hlöðuna til Helga Björns og Reiðamanna Vindanna. Rætt er við Helenu í blaðinu.
*Fjallað er ítarlega um helsta hitamálið á Húsavíku í blaðinu sem snýr að rammasamningum.
*Norðlensk hlaðvörp (e.podcast) hafa verið að ryðja sér til rúms undanfarnar vikur eftir að Podcast Stúdíó Akureyrar fór í loftið snemma á þessu ári. Fjölmargir þættir eru í boði sem teknir eru upp í glænýju stúdíói þar sem allt er til alls til að gera góðan hlaðvarpsþátt. Í Vikublaðinu er stiklað á stóru yfir það sem er í boði varðandi norðlenska hlaðvörp.
*Guðmundur Þráinn Kristjánsson, oftast kallaður Gummi Lilla er með bréfdúfur í kofa við Ásgarð á Húsavík en hann sagði í samtali við Vikublaðið að hann sé búin að stunda þetta sport í fjöldamörg ár. Á dögunum beið hans óboðinn gestur í dúfnakofanum.
*Hafrún Olgeirsdóttir fulltrúi E-lista í sveitarstjórn Norðurþings vakti máls á því á fundi sveitarstjórnar að sú staða væri komin upp á leikskólanum Grænuvöllum að ekki væri að takast að tryggja öllum börnum sem hafa náð eins árs aldri leikskólavist. Þá er ekkert annað úrræði í boði á vegum sveitarfélagsins til að brúa bilið að loknu fæðingarorlofi.
*„Það var mikið gleðiefni þegar Hjalti vinur minn skoraði á mig í þetta ágæta matarhorn. Hann hefur væntanlega gert það að áeggjan Siguróla sem ég er búin að þekkja af góðu einu mun lengur,“ segir Brynjar Davíðsson sem tók áskorun frá Hjalta Þór Hreinssyni og sér um matarhornið þessa vikuna.
*Blaðamaður Vikublaðsins leit við í Húsavíkurkirkju á föstudag í síðustu viku en þar voru saman komin Laufey Jónsdóttir, eiginkona Hafliða Jósteinssonar heitins og börn þeirra. Hafliði hefði orðið áttræður þennan dag og í tilefni þess kom fjölskyldan færandi hendi og afhentu hollvinum kirkjunnar peningagjöf að upphæð 500 þúsund í minningu Hafliða.
*Umhverfis- og mannvirkjaráð Akureyrarbæjar hefur samþykkt að taka tilboði Kletts og ganga til samninga um kaup á metan strætisvagni uppá rúmar 42 milljónir kr. Gert er ráð fyrir að nýi vagninn komi til Akureyrar þann 1. september. Þetta verður fjórði metan vagninn í strætóflota bæjarins en einnig eru í notkun fjórir eldri vagnar sem ganga fyrir díselolíu.
Smelltu hér til að gerast áskrifandi.
Nýjast
-
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs
