Vikublaðið kemur út í dag
Vikublaðið kemur út í dag og að vanda kennir ýmissa grasa í blaði vikunnar þar sem finna má áhugaverðar fréttir í bland við mannlíf, menningu og íþróttir.
Meðal efnis:
*Tryggvi Kristjánsson er einn eigandi líkamsræktarstöðvarinnar Bjargs á Akureyri. Tryggvi hefur áralanga reynslu af þjálfun og heilsufræðum og starfar sem þjálfari á Bjargi auk þess að sjá um reksturinn. Hann segir mikilvægt fyrir líkamlega og andlega heilsu fólks að ræktin geti haft opið eftir langa pásu. Vikublaðið tók Tryggva tali og ræddi við hann mikilvægi hreyfingar, hollt matarræði og góða lýðheilsu almennt.
*Til stendur að stofna rafíþróttadeild á Húsavík innan skamms. Það eru þau Sigríður Hauksdóttir, Eysteinn Kristjánsson, Halldór Jón Gíslason og Hjálmar Bogi Hafliðason sem leiða vinnuna á bak við þessar hugmyndir. Tölvuleikir hafa þróast mikið á undanförnum árum og fengið aukið vægi sem frásagnarform.
*Búið er að fullbólusetja 127 starfsmenn Sjúkrahússins á Akureyri (SAk) eða um 19% allra starfsmanna. 26 starfsmenn til viðbótar hafa hafið bólusetningu en eiga seinni sprautuna eftir. Hildigunnur Svavarsdóttir, framkvæmdastjóru hjúkrunar, bráða-og þróunarsviðs SAk, segir bóluefnið hafa borist hægar til þeirra en vonir stóðu til.
*Agnes Ýr Guðmundsdóttir er fædd og uppalin á Húsavík. Eftir nám í ítölsku og iðnhönnun fór hún til Barselóna og lærði arkítektúr og starfaði í kjölfarið með Richard Rogers teyminu frá UK. Agnes er Norðlendingur vikunnar og situr fyrir svörum.
*Við val á íþróttafólki ársins á Akureyri á dögunum voru jafnframt kynntar heiðursviðurkenningar sem frístundaráð Akureyrar veitti þremur einstaklingum fyrir vel unnin störf í þágu íþrótta á Akureyri.
Stefán Þór Sæmundsson heldur um áskorandapennan og skrifar áhugaverðan pistil og Inga Dagný Eydal sér um bakþankaskrif vikunnar.
*Sportið er á sínum stað þar sem m.a. er fjallað um handbolta og körfubolta.
Smelltu hér til að gerast áskrifandi.
Nýjast
-
Sólveig Lára er Ungskáld Akureyrar 2024
Það var vel við hæfi að í dag, á degi íslenskrar tungu, voru úrslit í ritlistakeppni Ungskálda 2024 kunngjörð á Amtsbókasafninu. Fyrstu veðlaun hlaut Sólveig Lára Skarphéðinsdóttir fyrir verkið Stök. -
Á að vera landbúnaður á Íslandi?
Þetta er grundvallarspurning sem allir íslendingar þurfa að gera upp við sig ásamt þeirri spurningu hvort byggð eigi yfir höfuð að haldast annars staðar en á sv-horninu. Með ríkjandi borgríkisstefnu síðustu ára í boði Sjálfstæðisflokks, Framsóknarflokks og Vinstri grænna hefur það skilað 85% þjóðarinnar á eitt horn landsins. -
50 ára afmælisfagnaður Geðverndarfélags Akureyrar
Geðverndarfélag Akureyrar hélt upp á 50 ára afmæli sitt nýverið, en félagið var stofnað þann 15. desember 1974. Um 50 manns mættu í fagnaðinn, hlýddu á fróðleg erindi, nutu lifandi tónlistar og glæsilegra veitinga. -
Tónkvíslin, söngkeppni Framhaldsskólans á Laugum fer fram í kvöld
Tónkvíslin, söngkeppni Framhaldsskólans á Laugum er meðal stærstu menningarviðburða á Norðausturlandi. Tónkvíslin verður haldin í 18. skipti í kvöld 16. nóvember. Sigurvegari keppninnar keppir fyrir hönd skólans í söngkeppni framhaldsskólanna, þar sem margar stjörnur hafa einmitt stigið sín fyrstu skref. Þar má meðal annars nefna Birgittu Haukdal sem flestum landsmönnum er vel kunn. -
Bakþankar bæjarfulltrúa Því ekki að gera tilraun?
Það snjóaði um daginn. Götur urðu flughálar. Og ég dreif mig með bíl konu minnar í dekkjaskipti. Þú kemst að eftir tíu daga, var svarið sem ég fékk. -
Það sem Húsavíkingar gera best
Bjóða íbúa Manchester velkomna í bæinn -
Dagur íslenskrar tungu í Nonnahúsi
Barnabókarithöfundurinn Jón Sveinsson, Nonni, fæddist 16. nóvember 1857. Af þessu tilefni er boðið til afmælis á æskuheimili hans, Nonnahúsi, á afmælisdaginn milli 12 og 14. -
Fyrirséð að álag á fráveituna verður mikið
Talsverður viðbúnaður er á Akureyri vegna veðurs sem nú gengur yfir svæðið. Líkur eru á að svipað ástand geti skapast og í september 2022 þegar sjór gekk á land á Eyrinni með umtalsverðum afleiðingum. Margt er líkt með veðrinu sem spáð er í kvöld og þeim aðstæðum sem þá sköpuðust. -
Úrslit í ritlistakeppni Ungskálda 2024
Dómnefnd mun kunngera úrslit í ritlistasamkeppni Ungskálda 2024 við hátíðlega athöfn í Amtsbókasafninu á Akureyri. Athöfnin fer fram á degi íslenskrar tungu, laugardaginn 16. nóvember kl. 14. Léttar veitingar verða í boði að athöfn lokinni og einnig verður tónlistarflutningur frá Elíasi Dýrfjörð sem leikur á kontrabassa. Öll velkomin á athöfnina.
