Verk L-listans
L-listinn var með hreinan meirihluta 2010-2014 í bæjarstjórn og hefur verið í 3ja flokka samstarfi á þessu kjörtímabili.
Við skulum rifja upp hvað við í L-listanum höfum staðið fyrir:
Við gerðum raunhæfar kostnaðaráætlanir sem stóðust. Það er ekki náttúrulögmál að fara fram úr áætlun.
Við kláruðum að leggja Dalsbrautina, byggðum upp gervigrasvöll á KA-svæðinu og stórbættum aðstöðuna. L-listinn stóð fyrir byggingu hjúkrunarheimilisins Lögmannshlíðar. Við byggðum þjónustuíbúðir fyrir fatlaða við Borgarbraut. Við björguðum Húsmæðraskólanum, því gamla og virðulega húsi, frá niðurníðslu, gerðum það upp og komum því í daglega notkun. Við gerðum uppbyggingarsamnig við Bílaklúbbinn. Við sömdum við Siglingaklúbbinn Nökkva um uppbyggingu á svæðinu við Höphner og komum Skátunum í varanlegt húsnæði.
Umhirða bæjarins batnaði, við slógum bæinn betur og sópuðum og þvoðum göturnar. Við jukum snjómokstur, fyrst og fremst á göngustígum
Við færðum fráveituna undir Norðurorku þar sem hún á heima með öðrum veitum. Við veittum Fallorku leyfi að virkja efri hluta Glerár. Því fylgdi að gerður var göngustígur upp með ánni og inn Glerárdalinn að stíflunni. Við gerðum Glerárdal að fólkvangi. Við lögðum göngu og hjólastíg frá Torfunefsbryggju að flugvellinum. Við veittum fjármagni í útivistarsvæðin okkar, Kjarnaskóg, Naustaborgir og Krossanesborgir. Lengdum Oddeyrar og Tangabryggjur, endurbyggðum Togarabryggjuna og bættum við flotbryggjum bæði í Bót og inn við Torfunef. Við létum smíða fyrir okkur dráttarbát, þann öflugasta á landinu. Hann er væntanlegur heim fyrir sjómannadag.
Við erum að stórbæta sundlaugarsvæðið og komin er ný rennibrautin, sú stærsta á landinu.
Við börðumst fyrir Vaðlaheiðargöngum og drógum vagninn, þegar ríkinu þraut örendið.
Þetta er auðvitað ekki tæmandi upptalning, en gefur innsýn í verk okkar.
Það skiptir máli hvað þú kýst. Settu X við L.
Úrdráttur: Við gerðum raunhæfar kostnaðaráætlanir sem stóðust
-Oddur Helgi Halldórsson fyrrv. bæjarfulltrúi L-listans.
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
