20. nóvember - 27. nóvember - Tbl 47
Verðskrá Norðurorku hækkar frá 6,6% upp í 12% um áramót
Verðskrá Norðurorku hækkar um áramót Mynd No
Verðskrá Norðurorku hækkar um áramót á bilinu frá 6,6% og upp í 12%. Norðurorka rekur fráveitu, vatnsveitu, rafveitu og hitaveitu.
Ráðast þarf í kostnaðarsamar rannsóknir, fjárfestingar og framkvæmdir á vegum hitaveitu á næstu árum. Framkvæmdaáætlun fyrir hitaveitu gerir ráð fyrir ríflega 850 milljón króna fjárfestingum á næsta ári og 3,5 milljörðum ef litið er til næstu fjögurra ára. Nauðsynlegt er að hækka hitaveitu til að standa undir miklum framkvæmdum og fjárfestingum. Forstjóri lagði til 12% hækkun um komandi áramót sem stjórn samþykkti.
Verðskrá rafveitu verður hækkuð um 10%, en fram kemur í fundargerð stjórnar Norðurorku að magn dreifðrar orku hafi lítið breyst í mörg ár þrátt fyrir fjölgun íbúða, en en nú sjáist merki um aukningu sem megi rekja til rafbílavæðingar. Tekjur hafi verið vanteknar í nokkur ár og talsvert vantað upp á að tekjumörk séu nýtt til fulls. Gjaldskrá rafveitu hækkaði um 11% um síðustu áramót og 4,9% 1. Ágúst síðastliðinn og nú hefur verið samþykkt hækkun um 10%.
Rekstur bæði vatnsveitu og fráveitu er í jafnvægi og tekjur standa undir rekstri. Kostnaðarsamar framkvæmdir eru fyrirhugaðar á næsta ári bæði hvað varðar vatn- og fráveitu en þó talið að nýjar tekjur muni duga til að mæta kostnaði til lengri tíma. Samþykkt hefur verið að hækka verðskrá vatns- og fráveitu um 6,6%.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
