Velta í landbúnaði á svæðinu allt að 40 milljarðar króna
Landbúnaður er mjög stór og mikilvæg atvinnugrein í Eyjafirði og Suður-Þingeyjarsýslu en á því svæði eru rúmlega 120 kúabú. Áætla má að velta landbúnaðarins á þessu sama svæði sé á milli 30 og 40 milljarðar króna þegar allt er tekið, þ.e. velta bænda í öllum greinum og afurðastöðvanna. Þetta kom fram á fjölmennum fundi sem Njáll Trausti Friðbertsson, þingmaður XD í Norðausturkjördæmi boðaði til, en um 100 manns mætt til fundarins.
,,Það er ekki ofsögum sagt að staða bænda sé erfið og þeir séu á ákveðnum krossgötum, staðan er mjög alvarleg. Annars vegar er um skammtímavanda að ræða sem orðið hefur til á sl. tveimur árum, kostnaðarhækkanir í aðföngum hafa verið miklar. Það fór að bera á vandamálum í aðfangakeðjunum í heimsfaraldrinum og í beinu framhaldi af honum ráðast Rússar inn í Úkraínu og miklar hækkanir verða á áburði og kjarnfóðri. Í framhaldinu fara stýrivextir á fulla ferð fyrir rúmu ári og róðurinn hjá bændum fer að þyngjast mikið. Bændur víða og þá sérstaklega í kúabúskapnum lenda á vegg í fyrrahaust vegna hás fjármagnskostnaðar í beinu framhaldi af háum kostnaðarhækkunum í tilbúnum áburði sem hækkaði um tæp 130% á skömmum tíma og kjarnfóðrið hækkaði um tugi prósenta,“ segir Njáll Trausti.
Miklar kröfur gerðar um hagræðingu
Stöðugar kröfur um hagræðingu , auknar kröfur um betri aðbúnaði gripanna, stærra húsnæði og miklar fjárfestingar í mjaltaróbótum, mjólkurkvóta svo eitthvað sé nefnt gerir það að verkum að fjárbindingin í rekstrinum er mikil og margir bera há lán og því viðkvæmir fyrir háu vaxtastigi. „Það er gerðar miklar kröfur til bænda um að hagræða í sínum rekstri, þeir eru langflestir að reka heimili sitt og rekstur búanna á eigin kennitölu og því mikið álag á þeim þegar svona orrahríð gengur yfir,“ segir hann.
Njáll Trausti segir að til lengri tíma þurfi að skoða búvörusamninga sem reyndar eru til endurskoðunar núna. Núverandi búvörusamningur hefur gildistíma til ársins 2026.„Það er mikilvægt að horfa til framtíðar, lykilatriðið er að tryggja stöðu matvælaframleiðslu í landinu og fæðuöryggi sé tryggt til langrar framtíðar. Hér er kannski rétt að minnast á að í mínum störfum sem formaður Íslandsdeildar NATO-þingsins er mikil áhersla lögð á í aðildaríkjum bandalagsins að tryggja fæðuöryggi enda líta þjóðir almennt á það sem hluta af sínum þjóðaröryggismálum.“
María Svanþrúður Jónsdóttir ráðunautur hjá Ráðgjafamiðstöð landbúnaðarins flutti framsögu á fundinum og fór m.a. yfir rekstrarlega stöðu bænda og segir Njáll Trausti það hafa verið mjög fróðlega að heyra hvernig staðan hefur þróast síðastliðið ár.
Staða bænda liggur þungt á þeim
Nýjast
-
Fjármagn í hugmyndavinnu við 50 metra innilaug áætluð árið 2028
Ellert Örn Erlingsson forstöðumaður íþróttamála hjá Akureyrarbæ segir að í framkvæmdaáætlun Akureyrarbæjar sé gert ráð fyrir fjármagni árið 2028 til að fara í formlega vinnu við að skoða möguleika og hugmyndir um 50 metra innisundlaug á Akureyri. „Það verður spennandi og skemmtilegt verkefni,“ segir hann. Um tíðina hafi af og til verið umræður við og innan Akureyrarbæjar um hugmyndir um nýja 50 metra innisundlaug. -
Sálfræðingur með merkan feril í Fantasy Premier League að baki
Vísindafólkið okkar — Árni Gunnar Ásgeirsson Vísindafólkið okkar er mánaðarleg kynning á vísindafólkinu okkar. Árni Gunnar Ásgeirsson, deildarforseti Sálfræðideildar, er vísindamanneskjan í október. -
Gleðilega töfrandi kosningabaráttu
Snörp og spennandi kosningabarátta er að hefjast og eru stjórnmálaflokkar í óðaönn að draga fram helstu stefnur og forgangsmál. Ýmislegt bendir til þess, eins og oft áður, að komandi kosningar muni að þónokkru leyti snúast um efnahagsmál og fjármál heimila og fyrirtækja. Verðbólga og vextir bíta fast og fólk vill svör um framtíðina. Eðlilega. -
Geðverndarfélag Akureyrar fagnar 50 ára afmæli
„Geðverndarfélag Akureyrar hefur ekki verið mjög áberandi undanfarin ár, en á sér engu að síður merka sögu og hefur staðið fyrir mikilvægum framförum í geðheilbrigðismálum í bænum og ýmislegt sem til bóta er í þessum viðkvæma málaflokki,“ segir Valdís Eyja Pálsdóttir formaður Geðverndarfélags Akureyrar. Félagið var stofnað 15. desember árið 1974 og verður því 50 ára gamalt innan tíðar. Haldið verður upp á tímamótin næstkomandi laugardag. -
Verðandi sjávarútvegsfræðingar kynna sér starfsemi Samherja til sjós og lands
Hátt í fjörutíu nemendur í sjávarútvegsfræðum við Háskólann á Akureyri hafa á undanförnum dögum heimsótt skip og landvinnslu Samherja. Nemendur auðlindadeildar skólans hafa um langt árabil átt þess kost að skoða og kynnast starfsemi félagsins, sem hluta námsins. Magnús Víðisson brautarstjóri segir afar mikilvægt að öflug sjávarútvegsfyrirtæki séu starfandi í námunda við skólann, sem geri nemendum kleift að kynnast betur sjávarútvegi og haftengdri starfsemi. -
Aðeins fleira fé slátrað þetta haustið miðað við í fyrra
„Heilt yfir hefur gengið mjög vel, auðvitað hafa rafmagnstruflanir, nettruflanir, veðurtruflanir og ýmislegt af því tagi, stungið sér niður hjá okkur, en sem betur fer gekk allt upp að lokum,“ segir Sigmundur Hreiðarsson framleiðslustjóri Kjarnafæði Norðlenska á sláturhúsinu á Húsavík. -
Að þora að vera hræddur
Nú haustar og í haustmyrkrinu leynast oft myrkraverur og alls konar furðuleg fyrirbæri sem skjóta okkur stundum skelk í bringu. Flest tengjast þau reyndar hrekkjavöku og ýmiskonar skálduðum hryllingi þannig að það er lítið mál að sýna hugrekki og láta sem ekkert sé. Eða hvað, erum við kannski hræddari en við sýnumst, og hvenær erum við annars hugrökk? -
Ferðast landa á milli til að taka þátt í lotu Viðskiptadeildar
Í þarsíðustu viku var lota hjá Viðskiptadeild og þá gafst stúdentum tækifæri á að hitta kennara, samstúdenta og annað starfsfólk Háskólans. Þannig tengjast þeir betur innbyrðis og í lotum er horfið frá hefðbundinni kennslu, til dæmis með því að bjóða gestum úr atvinnulífinu að vera með innlegg í námskeiðum. -
Gefur lífinu aukalit og við hefðum alls ekki viljað missa af honum
„Rúben hefur verið okkur dýrmætur kennari í lífinu og gefið því fallegan auka lit. Við hefðum alls ekki vilja missa af honum,“ segir Arnheiður Gísladóttir móðir Rúbens Þeys, sem fæddist í janúar árið 2020, með Downs heilkenni. Október er mánuður vitundarvakningar um Downs heilkenni á alþjóðavísu. Einstaklingar sem fæðst hafa með heilkennið hafa fylgt mannkyni frá upphafi vega. Þeim fer fækkandi og um tíma hélt Arnheiður að Rúben Þeyr yrði með þeim síðustu hér á landi sem fæddist með heilkennið. Sú hafi þó ekki orðið raunin. Faðir Rúbens er Vífill Már Viktorsson smiður og átti Arnheiður fyrir Karítas Von sem verður 11 ára gömul í nóvember. Fjölskyldan býr á Akureyri.
