Vaxandi ásókn í heitan læk í Vaðlaheiði
„Það hefur stundum munað litlu að illa færi,“ segir Elísabet Inga Ásgrímsdóttir formaður umhverfis- og atvinnumálanefndar Svalbarðsstrandahrepps, en nefndin hefur fjallað um sívaxandi umferð fólks sem sækir í að baða sig í læk neðan Vaðlaheiðaganga. Heitt affallsvatn úr göngunum rennur út í lækinn sem er um 30°C heitur. Fólkið leggur bílum sínum á malarpúða í nágrenninu sem ekki eru til þess ætlaðir og hefur að sögn Elísabetar hurð skollið nærri hælum af og til þegar bílum er ekið fyrirvaralaust út í umferðina á Grenivíkurvegi.
„Við fórum að taka eftir þessu þegar leið á sumarið, umferðin jókst og mjög margir virtust sækja í þennan nýja og ókeypis „baðstað,“ segir hún. Í ljós kom að gestir höfðu póstað myndum og meðmælum á samfélagsmiðla, þar sem dásamað er hversu notalegt sé að baða sig í læknum undir berum himni undir stjörnubjörtum himni. Og herlegheitin kostuðu ekki krónu.
Umhverfis- og atvinnumálanefndin vakti í kjölfar aukinnar umferðar athygli á því hættuástandi sem myndast hefur við Grenivíkurveg í námunda við Vaðlaheiðagöngin. „Við höfum miklar áhyggjur af þeim aðstæðum sem hafa skapast þarna og erum að auki að benda á að í læknum er mengað affallsvatn úr göngunum sem fólki er ef til vill ekki kunnugt um,“ segir Elísabet. Nefndin hefur hvatt þær stofnanir sem málið snerti að koma í veg fyrir hættu sem þarna er fyrir hendi og upplýsa að auki um hvers konar vatn það er sem baðgestir sækja í. Í vatninu geti sem dæmi verið tjara úr dekkjum bíla og fleira sem blandast því inn í göngunum.
Elísabet bendir á að engin sérstök bílastæði séu fyrir hendi, en malarpúðar í námunda við lækinn séu notaðir sem stæði. „Við sem eigum heima í sveitinni og ökum oft um veginn erum farin að vara okkur á aukinni umferð á þessum slóðum en það gildir ekki um alla sem þarna aka. Það er hætta á að þarna verði óhapp í umferðinni,“ segir hún og bætir við að stígur niður með læknum sé heldur ekki upp á marga fiska.
Elísabet segir að ræddar hafi verið hugmyndir eins og að setja vatnið í stokk, þannig að ekki væri lengur í boði að skella sér út í lækinn. „En þá auðvitað kemur upp spurningin um hver eigi að borga, en til að byrja með viljum við benda á að þarna hefur skapast hættuástand sem þarf að taka á.“
Á eigin ábyrgð
„Við skiptum okkur í sjálfu sér ekki af því hvar fólk kýs að baða sig,“ segir Leifur Þorkelsson framkvæmdastjóri Heilbrigðiseftirlits Norðurlands eystra. „En bendum á að það er ekkert fylgst með efna- eða örverufræðilegu ástandi baðvatnsins og það er engin laugargæsla á svæðinu en krafa er um hvort tveggja á sund- og baðstöðum sem hafa starfsleyfi og lúta reglubundnu eftirliti heilbrigðiseftirlitsins. Þeir sem kjósa að baða sig þig þarna verða því að vera meðvitaðir um að þeir eru á eigin ábyrgð hvað varðar heilnæmi vatnsins og öryggismál að öðru leyti.“
Ekki óhollara en hver annar lækur
Valgeir Bergmann framkvæmdastjóri Vaðlaheiðaganga segir að ekki geti verið óhollara að baða sig í umræddum læk fremur eða öðrum lækjum á Íslandi. „Þetta er ekki ósvipað og við Reykjaá við Hveragerði sem er í raun bara volgur lækur sem nú er orðið vinsæla að ganga að og leggjast í,“ segir hann.
Valgeir segir að um sé að ræða „hreint“ jarðvatn úr göngunum, um 30°C þar sem það rennur í og sameinast læknum sem þegar var til fyrir framkvæmdir. Miklar rigningar auka magnið í bæjarlæknum og þá er það frekar kalt og aðsókn lítil, en einkum komi fólk í lækinn þegar veður er gott. Innkeyrslan sé að grjótlager sem sveitarfélagið eigi og ef það vilji ekki bíla þar gætu þeir lokað innkeyrslunni t.d. með steinum.
Bílastæðið og ,,ytri-búningsklefinn"
Nýjast
-
Tónlistarskóli Eyjafjarðar sá fyrsti sem fer í Græn skref
Tónlistarskóli Eyjarfjarðar hefur náð þeim einstaka áfanga að vera fyrsti tónlistarskólinn á Íslandi til að fara í Græn skref „og mega þau vera stolt af því,“ segir á vefsíðu Samtaka sveitarfélaga á Norðurlandi eystra, SSNE. -
Atkvæðagreiðsla utan kjörfundar hefst 7 nóvember
Atkvæðagreiðsla utan kjörfundar við embætti sýslumannsins á Norðurlandi eystra hefst 7. nóvember n.k. Alls hafa 31.039 atkvæðarétt í kjördæminu, flestir þeirra og það kemur ekki á óvart frá Akureyri eða 15.057 manns. -
Pólarhestar eru fyrirtæki ársins
Markaðsstofa Norðurlands veitir viðurkenninguna Fyrirtæki ársins til fyrirtækis sem er búið að slíta barnsskónum og hefur skapað sér sterka stöðu á markaði. Fyrirtækið hefur unnið að stöðugri uppbyggingu, vöruþróun og nýsköpun og er með höfuðstöðvar á Norðurlandi. -
Íslenska kerfið framleiðir afbrotamenn
Að refsa einstaklingi fyrir alvarleg afbrot með fangelsisvist, er eitthvað sem flestir geta verið sammála um að sé nauðsynlegt. Fæstir átta sig hins vegar á hve frelsissviptingin ein og sér hefur gríðarleg áhrif á einstakling sem dæmdur hefur verið til vistar í fangelsi og ef betrunarúrræðin eru ekki til staðar er næsta öruggt að sá einstaklingur er lýkur afplánun, kemur út í samfélagið aftur í verra ástandi en hann var í þegar afplánun hófst. Stundum held ég að þessi hópur samfélags okkar sé álitinn hin skítugu börn Evu sem flestir vita af en enginn vill af þeim vita. Eins og að vandamálin hverfi um leið og kveðinn er upp dómur. Allir þeir einstaklingar sem fá á sig dóma eru synir, dætur, bræður, systur og barnabörn einhverra. Að afplána dóm hefur ekki bara gríðarleg áhrif á fangann heldur líka hans nánustu aðstandendur sem ég tel vera algjörlega týndan hóp innan kerfisins. Kerfis sem fyrir löngu er molnað í sundur. Kerfi sem nær ekki að eiga samskipti. Kerfi sem þarf að taka alvarlega til í og snýst hreinlega um líf eða dauða fólksins okkar. -
KOSNINGARÉTTUR
Við vanmetum oft það sem þykir sjálfsagt! Árið 1843 rak kosningaréttur fyrst á fjörur okkar Íslendinga með tilskipun Kristjáns VIII, en eingöngu til karlmanna eldri en 25 ára sem áttu jörð. Það var um 2% íslensku þjóðarinnar. Árið 1857 var ekki lengur þörf á að eiga jörð, nægjanlegt að búa á eigin heimili og borga skatta. Konur virtust ekki vera landsmenn á þessum tíma. -
Afleitt að Sæfari verði í slipp í apríl
Grímseyingar óska eftir aðstoð við að fá aðra tímasetningu en nú er þegar fyrirhugað er að ferjan Sæfari sem siglir milli lands og eyjar fer í slipp, sem er „afleit tímasetning bæði hvað varðar sjávarútveg og sérstaklega slæmt fyrir ferðaþjónustu í eynni,.“ segir í bókun frá íbúafundi sem haldinn var í eyjunni. -
Framkvæmdir að hefjast við innisundlaugina
Framkvæmdir eru hafnar við talsvert umfangsmiklar breytingar á innisundlaugin í Sundlaug Akureyrar. Umhverfis- og mannvirkjaráð hefur samþykkt að taka lægstu tilboðum í lagnir, raflagnir og múrverk en hafnaði aftur á móti tilboðum sem bárust í útboði á verkefnum í húsasmíði og blikksmíði þar sem þau voru hátt yfir kostnaðaráætlun. -
Nytjamarkaður Norðurhjálpar er eins árs
„Þetta var dásamlegur dagur og við erum þakklátar öllu því góða fólki sem styður við bakið á okkur, við erum eiginlega alveg vissar um að við er með langbesta fólki í kringum okkur,“ segir Sæunn Ísfeld Guðmundsdóttir ein þeirra fjögurra kvenna sem reka nytjamarkaðinn Norðurhjálp. -
Fjármagn í hugmyndavinnu við 50 metra innilaug áætluð árið 2028
Ellert Örn Erlingsson forstöðumaður íþróttamála hjá Akureyrarbæ segir að í framkvæmdaáætlun Akureyrarbæjar sé gert ráð fyrir fjármagni árið 2028 til að fara í formlega vinnu við að skoða möguleika og hugmyndir um 50 metra innisundlaug á Akureyri. „Það verður spennandi og skemmtilegt verkefni,“ segir hann. Um tíðina hafi af og til verið umræður við og innan Akureyrarbæjar um hugmyndir um nýja 50 metra innisundlaug.
