Úthlutað úr Velferðarsjóði Þingeyinga
Velferðarsjóður Þingeyinga stendur fyrir jólaúthlutunum til Þingeyinga eins og undanfarin ár í formi inneignarkorta í Netto. Auk þess munu meðlimir í Kiwanisklúbbnum Skjálfanda deila út matarkössum í samstarfi við Norðlenska. Fiskeldið Haukamýri gefur fisk eins og undanfarin ár og ónefnt félag sér til þess að umsækjendur sjóðsins fái malt og appelsín með jólamatnum. 
Sólveig Halla Kristjánsdóttir sóknarprestur á Húsavík segir að þörfin á aðstoð um jólin sé svipuð og undanfarin ár en alls bárust um 50 umsóknir. „Það hlýjar manni um hjartað að fyrirtæki, félagasamtök og einstaklingar að styrkja þá sem minna mega sín í gegnum sjóðinn. Það skiptir okkur öllu máli því jólamánuðurinn getur verið þungur hjá mörgu fólki,“ segir hún.
Sólveig Halla segir að allar umsóknir hafi verið samþykktar þrátt fyrir að enn vanti upp á að sjóðurinn nái upp í kostnaðinn. „Sjóðurinn stendur höllum fæti eins og er. Það þýðir að í raun og veru er ekki innistæða fyrir þeim úthlutunum sem samþykktar hafa verið í desember,“ segir Sólveig Halla en bætir við að allar umsóknir verði afgreiddar þó taka verði tímabundinn yfirdrátt fyrir úthlutunum.
Hún segir að án frjálsra framlaga frá einstaklingum fyrirtækjum og félagasamtökum væri ekki hægt að standa fyrir þessum úthlutunum sem svo sannarlega er þörf á. „Ég vil koma því á framfæri að ég þakka öllum sem hafa gefið í sjóðinn en án þeirra væri þetta ekki hægt.“
Fyrir rúmu ári síðan var ákveðið að úthluta úr sjóðnum fjórum sinnum á ári í stað tvisvar eins og áður var. „Sama manneskjan getur því sótt um og fengið úthlutað fjórum sinnum yfir árið auk jólaaðstoðar. Hugsanlega ef sjóðurinn stendur tæpt eftir áramót þá munum við endurskoða úthlutunarreglurnar,“ segir Sólveig Halla en bætir við að hún sé vongóð um að enn eigi eftir að berast framlög í sjóðinn áður en slíkar ákvarðanir verði teknar.
Hægt er að styrkja Velferðarsjóð Þingeyinga með því að leggja inn á eftirfarandi reikningsnúmer: 1110-05-402610
Kennitala: 600410-0670.
Nýjast
-
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin.
