20. nóvember - 27. nóvember - Tbl 47
Uppbygging félagslegra íbúða
Guðmundur Baldvin Guðmundsson (t.v.), Sigríður Huld Jónsdóttir og Matthías Rögnvaldsson.
Umræður um félagslegar íbúðir á Akureyri og stöðu þeirra mála skjóta af og til upp kollinum. Í liðinni viku var málið til umfjöllunar á RÚV og bent á úrræðaleysi bæjarins. Rætt var við einstakling sem ekki á í nein hús að venda og bíður eftir að komast inn í félagslega íbúð á vegum bæjarins.
Umræður eftir slíka umfjöllun vilja gjarnan snúast upp í úrræða- og aðgerðarleysi bæjarins og krafa gerð um að gripið verði strax til aðgerða. En hver er staðan og hvað hefur verið gert?
Margþættar aðgerðir í gangi
Í dag er Akureyrarbær með um 330 íbúðir í rekstri í félagslega íbúðakerfinu og hafa 12 íbúðir bæst við kerfið á síðustu 2 árum.
Á árunum 2017-2020 er gert ráð fyrir byggingu á allt 15 félagslegum íbúðum en líkt og undanfarin ár er aðaláherslan lögð á úrræði fyrir fatlað fólk og fólk með sérþarfir. Þá samþykkti bæjarráð í nóvember síðastliðnum stofnstyrki til Brynju hússjóðs öryrkjabandalagsins, vegna kaupa á 5 íbúðum á árinu 2017, en alls gerir félagið ráð fyrir að kaupa eða byggja 10 íbúðir á næstu tveimur árum.
Í kjölfar samþykktar húsnæðisáætlunar bæjarins, fyrr á þessu ári, funduðu bæjaryfirvöld með framkvæmdastjóra Bjarg íbúðafélags, sem er samstarfsverkefni ASÍ og BSRB um hagkvæma íbúðauppbyggingu og lýstu báðir aðilar yfir vilja til samvinnu. Horft er til þess að samstarf við Bjarg íbúðafélag geti verið með svipuðum hætti og nýlegt samkomulag sem Hafnarfjarðarbær hefur gert við félagið, þar sem hluti af byggðum íbúðum geti verið í félagslega íbúðakerfi bæjarins. Þá liggur fyrir bæjarráði að endurnýja viljayfirlýsingu við Búfesti um möguleika á því að byggja upp blandaðan íbúðakjarna sem byggi m.a. á reglum um stofnstyrki. Hefur verið sett í gang vinna á skipulagssviði og er unnið að skipulagi með það að markmiði að koma til móts við þessa uppbyggingu. Þess er vænst að niðurstöður um næstu skref liggi fyrir á næstu mánuðum og mun verða tekið tillit til þess við fjárhagsáætlunarvinnu strax í haust. Þessi uppbygging ætti að öllu jöfnu að bæta stöðuna á leigumarkaði og hafa jákvæð áhrif á félagslega íbúðakerfið til lengri tíma litið.
Hátt hlutfall félagslegra íbúða
Akureyrarbær hefur alla tíð lagt metnað sinn í að veita framúrskarandi velferðarþjónustu og verið fyrirmynd annarra sveitarfélag þegar horft er til þeirrar þjónustu sem bærinn er að veita. En ekkert er fullkomið, biðlistar eru langir og því miður hafa komið upp dæmi um að einstaklingar hafa lent á götunni en sem betur fer er slíkt sjaldgæft og oftast tímabundið. Í slíkum tilfellum er reynt að bregðast hratt við og leysa vandann miðað við aðstæður hvers og eins.
Eins og fram kom í upphafi greinarinnar eru félagslegar íbúðir bæjarins í dag 330 og þegar er búið að taka ákvörðun um að fjölga um allt að 25 íbúðir á næstu árum. Hlutfall félagslegra íbúða af heildaríbúðafjölda í bænum er nú í dag með því hæsta, ef ekki það hæsta sem þekkist, meðal íslenskra sveitarfélaga og hefur þá ekki verið tekið tillit til þeirrar viðbótar sem áætluð er á næstu árum.
Við höfum hér að ofan farið yfir stöðu mála í dag, rakið þær framkvæmdir sem eru framundan og þær aðgerðir sem við hyggjumst grípa til. Við teljum því að Akureyrarbær sé að standa sig nokkuð vel í þessum málum og allt tal um úrræða- og aðgerðarleysi eigi tæpast við rök að styðjast.
-Guðmundur Baldvin Guðmundsson oddviti Framsóknar
-Mathías Rögnvaldsson oddviti L-listans
-Sigríður Huld Jónsdóttir oddviti Samfylkingar
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
