Ungmennafélag Akureyrar leitar að þjálfurum í frjálsum
Sigurður Magnússon, formaður Ungmennafélags Akureyrar, segir vöxt í frjálsum íþróttum. Á sama tíma eru þjálfarar sem hafa verið lengi hjá félaginu að hætta og er félagið að leita að þjálfurum í frjálsum í fullt starf og hlutastörf.
„Þjálfarar í frjálsum hjá Ungmennafélagi Akureyrar eru búnir að vinna með okkur lengi jafnhliða fullri vinnu. En nú hittist svo óheppilega á að þjálfararnir hætta allir á sama tíma í haustpásunni. Þau hafa nóg að gera í öðru. Íþróttakennararnir Birgitta Guðjónsdóttir og Unnar Vilhjálmsson hafa þjálfað hjá UFA í mörg ár. Unnar er að fara í nám í eitt ár til Danmerkur en Birgitta er í fullri vinnu og þjálfar þess utan,“ segir Sigurður Magnússon, formaður og stofnandi Ungmennafélags Akureyrar (UFA).
Þá mun einni hætta Guðmundur Daði Kristjánsson sjúkraþjálfari, sem þjálfað hefur meistaraflokk UFA í eitt ár ásamt að vera hjá Akureyri handboltafélagi. Hann ætlar að einbeita sér að sjúkraþjálfun og handboltafélaginu.
Draumurinn að fá þjálfara í fullt starf
Sigurður segir UFA hafa ráðið þjálfara fyrir 14 ára og yngri en þjálfara vanti fyrir eldri aldursflokka áður en æfingar hefjast um miðjan september. Frjálsar íþróttir hafa verið æfðar úti við á Akureyri á sumrin.
Nú er haustpása og hefjast æfingar að nýju 15. september. Boginn íþróttahús sem er æfingaaðstaða UFA innanhúss opnar ekki fyrr en í byrjun október þar sem verið er að skipta um gervigras og meðal annars unnið að bættri aðstöðu fyrir frjálsar íþróttir.
„Draumurinn er að fá þjálfara í fullt starf. Við höfum leitað að þjálfurum í sumar og höfum nú sett allt á fullt fyrir veturinn,“ segir Sigurður og bendir á að þörf sé á tveimur aðalþjálfurum og tveimur meðþjálfurum og fleiri á sumrin.
Nýjast
-
„Amaróhúsið“ sett í sölu
Framkvæmdasýslan - Ríkiseignir (FSRE) hefur sett gömlu heilsugæslustöðina á Akureyri, Hafnarstræti 99-101, í sölu ásamt öllu því sem eigninni fylgir. Óskað er eftir tilboði í eignina. Fasteignamat er tæplega 340 milljónir króna og brunabótamat 860 milljónir. -
Dreifingu Dagskrár seinkar í dag
Vegna vandræða i samgöngum milli Reykjavíkur og Akureyrar í nótt seinkar dreifingu á Dagskránni verulega i dag. Blaðið er hinsvegar komið á vefinn og geta þvi áhugasamir skoðað það með þvi að smella á slóðina hér fyrir neðan. https://issuu.com/dagskrain/docs/0225_dagskrain_vefur -
Nýr samningur Akureyrarbæjar og Skákfélags Akureyrar undirritaður
Í gær var undirritaður nýr samningur Akureyrarbæjar við Skákfélag Akureyrar sem hefur það að meginmarkmiði styðja við starf barna og ungmenna og gefa þeim kost á heilbrigðu og metnaðarfullu félags- og æskulýðsstarfi. -
Ferðaþjónustufólk kemur saman
Í upphafi hvers árs er mikið um að vera hjá ferðaþjónustufólki sem kemur saman til að ráðfæra sig við hvert annað, finna nýjar hugmyndir og skapa verðmæti. Mannamót Markaðsstofa landshlutanna er haldið í Kópavogi og samhliða því er heil vika af spennandi viðburðum með mismunandi áherslum. Þar er meðal annars rætt um tækniþróun, ráðstefnur, sjálfbærni og auðvitað markaðssetningu. Nú eru liðin 11 ár frá því að hugmyndin um Mannamót varð til í einu af mörgum samtölum Markaðsstofanna um hvernig mætti efla íslenska ferðaþjónustu og vinna að dreifingu ferðafólks um landið. Þessi hugmynd um að skapa vettvang fyrir landsbyggðarfyrirtækin til að koma saman í höfuðborginni og eiga þar fundi með ferðaþjónustunni er nú orðin að stærsta kynningarviðburði ferðaþjónustunnar og farin að vekja áhuga erlendra ferðaskrifstofa. -
Tunnuskipti í síðustu hverfum bæjarins framundan
Sem kunnugt er standa yfir breytingar á sorphirðukerfi og framundan eru tunnuskipti í síðustu hverfum bæjarins. Til að tryggja sem hraðasta framkvæmd verða núverandi tunnur fyrir almennan úrgang nýttar, og ílátum bætt við eftir þörfum fyrir lífrænan úrgang, pappír og plast. Í sumum tilfellum gætu heimili tímabundið fengið fleiri tunnur en nauðsynlegt er. Mikilvægt er að tryggja að allar tunnur séu staðsettar eða festar þannig að þær fjúki ekki. -
Amtsbókasafnið ,,Wrapped" 2024 - Gestir safnsins voru 88.562 árið 2024 sem er aukning um 6.000 gesti milli ára
,,Þó að margir haldi að bókasöfn sé lítið notuð og lestur sé að minnka sjáum við þetta ekki svo svart og erum bara bjartsýn fyrir framtíðinni. Til dæmis fjölgaði útlánum og heimsóknum frá því árið 2023. Skemmtilegt þótti okkur að sjá að kökuformin lánuðust 270 sinnum, enda er heimsókn á bókasafnið orðinn hefðbundinn liður í kringum veislur hjá mörgum. Mikil stemning að velja form fyrir afmælið sitt." -
Slökkvilið Akureyrar kallað út 4.171 sinni árið 2024
Varðliðið sinnti 3.066 sjúkraflutningum á landi árið 2024, en af þeim voru 29% útkalla í forgangi F1 og F2. Farið var í 282 flutninga út fyrir starfssvæði liðsins, og er það aukning um 38% frá árinu 2023. Fækkun var á erlendum ferðamönnum milli ára um 14%. -
Meistarar strengjanna á sinfóníutónleikum í Hofi
Sunnudaginn 26. janúar flytur Sinfóníuhljómsveit Norðurlands undir stjórn Ross Collins verk eftir þrjá meistara frá ólíkum tímum sem lagt hafa mikið af mörkum til tónlistar fyrir strengjasveit. -
HVAÐ GAMALL NEMUR......
Allt frá því ég man fyrst eftir mér hef ég verið brennandi áhugamaður um bíla og farartæki sem gengu fyrir sprengihreyfli. Mér þóttu stærri vélar alltaf eftirsóknarverðari og dreymdi um að eignast amerískan bíl með hestöflum sem telja mætti í hundruðum.
