20. nóvember - 27. nóvember - Tbl 47
Um píkur og hnéverki
„Vertu ekkert að hafa fyrir mér.“ „Þarf þetta ekki einhver annar?“ „Nei ég hef það ágætt.“
Allt eru þetta setningar sem ég hef heyrt fólk sem komið er á efri ár tauta fyrir munni sér. Það virðist nefnilega vera sem sú kynslóð fólks sem í dag telst til eldri borgara hafi alist upp við það að mega aldrei kveinka sér.
Hvers vegna geri ég það að umtals efni? Jú, ég þekki nefnilega konu sem er komin fast á áttræðisaldurinn. Hún hefur alla tíð lagt hart að sér og borgað í samneysluna. Síðustu ár hefur hún verið slæm í öðru hnénu og hafa verkirnir verið að ágerast. Þeir eru nú orðnir það slæmir að hún er hætt að geta stundað útivist eins og hún gerði og veigrar sér við því að fara í heimsóknir til fólks. Hún hefst að mestu við heima og treystir á heimsóknir afkomenda fyrir félagsskap. Hún hefur verið undir eftirliti lækna og var að vonast til að komast í aðgerð til að láta gera við hnéð á sér. Aðgerð sem er tiltölulega einföld og myndi tryggja þessari konu sjálfsögð lífsgæði sem hún býr ekki við í dag.
Nýverið heimsótti hún lækni með von í brjósti um að fá jákvæðar fréttir um fyrirhugaða aðgerð. Því var nú aldeilis ekki að heilsa. Læknirinn taldi ekki réttlætanlegt að senda konuna í aðgerð því hún getur ennþá sofið. Svefn er semsagt einu lífsgæðin sem eldri borgarar á Íslandi þurfa.
Því miður er saga þessarar konu ekkert einsdæmi hér á Íslandi allsnægtanna. Maður heyrir þessar hryllingssögur allt í kringum sig og maður skilur hreinlega ekki þetta sinnuleysi gagnvart þeim sem hafa borgað sitt, oft og tíðum margfalt.
Hvað eru stjórnmálamenn sem móta stefnuna að hugsa? Átta þeir sig ekki á að þeir munu líka eldast?
Jú, þeir skilja ósköp vel hvernig í pottinn er búið. Það er líklega þess vegna sem stjórnmálamenn sumir hverjir ásamt elítu himpigimpum fylla prívat hirslur sínar af fjársjóðum og grafa þá síðan á Tortóla. Manni liggur við að segja eins og Styrmir Gunnarsson: „Þetta er ógeðslegt þjóðfélag.“
Á sama tíma og eldri borgarar bera áþján sína í hljóði fyllast dagblaðasíður og netmiðlar af umfjöllunum um píkubarmaaðgerðir. Það er vitnað í hvern lýtalækninn á fætur öðrum sem heldur því fram að aðgerðir til að minka síða píkubarma séu hið mesta þjóðþrifamál því barmarnir síðu geta jú valdið þvílíkum óþægindum. Jú, máské eru síðir píkubarmar óþægilegir í brók, þó hefur undirritaður hingað til getað girt tittling sinn án teljandi óþæginda þrátt fyrir ágætis sídd.
Þessir svokölluðu læknar (hvað eru þeir að lækna?) framkvæma slíkar aðgerðir blygðunarlaust á ólögráða stúlkubörnum (þær geta líklega ekki sofið fyrir börmunum). Síðan fara þeir afsíðis og telja aurana í barmafullum buddum sínum.
Á meðan húkir gamla fólkið okkar í myrkrinu og nuddar á sér hné.
Fleiri greinar eftir Egil:
Börnin í Aleppo eru börn okkar allra
Áhyggjufullur og viðutan pabbi
„Afhverju varst þú að gista hjá löggunni?“
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
