4. sept - 11. sept - Tbl 36
Tvö ný fræðsluskilti í Grímsey
Í vikunni voru sett upp tvö skilti í Grímsey tengd Norðurstrandarleiðinni (e. Arctic Coast Way) sem greina annarsvegar frá eðli heimskautsbauganna og hinsvegar sögu Grímseyjar. Greint er frá þessu á vef Akureyrarbæjar.
Grímsey er hluti af Norðurstrandarleiðinni, sem er heillandi leið utan alfaraleiðar þar sem ferðast er meðfram strandlengju Norðurlands. Samtals er leiðin um 900 kílómetra löng. Á leiðinni eru fjölmargir bæir/þorp og auk þess fjórar eyjar, sem auðveldlega er að hægt að komast út í með bát eða ferju.
Skiltin má finna á flugstöðinni í Grímsey og í ágúst koma tvö sambærileg skilti á hafnarsvæðið til að auðvelda gestum eyjarinnar að fræðast um þennan merka stað.
Hægt er að skoða skiltin og fleiri skilti sem finna má í Grímsey hér.
Einnig er hægt að fræðast frekar um Norðurstrandarleiðina hér.
Athugasemdir