20. nóvember - 27. nóvember - Tbl 47
Tvílembingshrútar frá Hólshúsum fundust í Glerárdal eftir að hafa gengið úti í vetur
Baldur fann yfir 20 eftirlegukindur á Glerárdal í fyrravetur og segir fátt betra en þeysast um fjöll og firnindi á vélsleða og nýta tímann í leiðinni í leit að kindum. Fyrir aftan hann er Halldór Lind. Mynd Sigurgeir Haraldsson
„Það var mikil gleði ríkjandi þegar þeir komu heim,“ segir Kolbrún Ingólfsdóttir sem um liðna helgi fékk tvílembingshrúta í hendur en þeir skiluðu sér ekki með móður sinni í réttina síðastliðið haust.
Kolbrún Ingólfsdóttir nýtir tímann í fjárhúsunum vel og grípur í prjóna.
Kolbrún býr í Hólshúsum í Eyjafjarðarsveit og heldur 16 kindur sér til ánægju. „Það var mikið leitað fram eftir öllu hausti og einkum og sér í lagi vorum við á ferðinni í Grundarfjalli hér ofan við okkur. Ég sá talsvert af kindum í þessum ferðum en þær voru í eigu bænda hér um slóðir,“ segir hún og var farin að sætta sig við að hrútarnir hefðu drepist í vetur. „Mér fannst líklegast að þeir hefðu ekki lifað þetta af,“ bætir hún við og nefnir að talsvert sé um tófu í fjallinu og hún hefði ef til vill komið við sögu í hvarfi þeirra.
Göngumaður sá hrútana fyrst
Það var svo 10. mars síðastliðinn sem göngumaður kom auga á tvær kindur á ferð sinni í Glerárdal, hann náði af þeim ágætri mynd og fannst líkur á að þar væru komnir tvílembingarnir frá Hólshúsum. Sendi hann myndin til tengdasonar Kolbrúnar sem þekkti hrúta sína á henni Við það var leitin víkkuð út og beindist að Glerárdal, en í fyrstu fannst henni ekki líklegt að þeir hefðu villst þar yfir. „Það er ekki algengt að kindur héðan fari yfir í Glerárdal en hefur af og til komið fyrir,“ segir hún.
Leitað var alla daga eftir að þeir sáust fyrst. Vélsleðamenn sem fóru um dalinn höfðu augun hjá sér og segir Kolbrún að einn þeirra, Baldur Garðarsson hafi séð hrútana og náð þeim. Komust þeir heim um liðna helgi og eru þar í góðu yfirlæti. Kolbrún segir þá vera í góðum holdum við heimkomuna og hornahlaup vænt þannig að ekki hafi þeir soltið þann tíma sem þeir höfðust við úti í vetur. „Veturinn var snjóléttur og þeir hafa verið í þokkalegu æti, ekki liðið neinn skort sýnist mér,“ segir hún.
Kolbrún segir hrútana vera í góðum holdum við heimkomuna og hornahlaup vænt
Ánægjulegt að koma hrútunum heim
„Það var virkilega ánægjulegt að ná þeim og koma til síns heima,“ segir Baldur Garðarsson sem fann hrútana og kom þeim til byggða. Hann starfar í Líflandi og á sjálfur um 30 kindur. sem hann heldur sér til skemmtunar. Með honum í för var Tobias Sigurðsson, Tobbi.
„Ég heyrði af því að sést hafði til kinda á Glerárdal og fór nokkrar ferðir til að leita að þeim, bæði yfir helgi og svo eftir vinnu líka á virku dögunum. Ég sá aldrei neitt til þeirra en það var svo þegar ég hafði flogið yfir svæðið sem ég kom auga á þá,“ segir Baldur. Þar sem var frekar snjólétt féllu þeir vel inn í landslagið og ekki svo gott að sjá til þeirra. „Þeir létu alveg hafa töluvert fyrir sér áður en þeir fundust.“
Með sitt hvorn hrútinn í fanginu
Eftir að hann hafði séð þá úr lofti fóru þeir Tobias enn á ný af stað og fundu hrútana sunnan megin við Glerár ofan við stíflu. Áin var ísilögð og þeir komust auðveldlega yfir hana. „Við náðum þeim norðan megin ár og reiddum þá á sleðanum til byggða,“ segir Baldur. Voru þeir félagar með sitt hvorn hrútinn í fanginu og gekk heimferð vel. Þegar komið var til byggða voru hrútarnir settir upp á hestakerru og fluttir heim í Hólshús.
Hrútarnir fram á dal við stíflu.
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið.
