20. nóvember - 27. nóvember - Tbl 47
Tollfrelsi minni skemmtiferðaskipa afnumið um næstu áramót
Hringsiglingar minni skemmtiferðaskipa, svonefndra leiðangursskipa gætu lagst af hér við land í kjölfar þessa að um áramót verður tollfrelsi sem skipin hafa notið afnumið
„Það er augljóst eins og málið horfir við okkur að þetta verður skaði fyrir landsbyggðina, sérstaklega minni staði þar sem skipin skipta miklu máli fyrir samfélagið,“ segir Jóhanna Tryggvadóttir verkefna- og markaðsstjóri Hafnasamlags Norðurlands. Um næstu áramót verður tollfrelsi sem m.a. leiðangursskip hafa notið hér við land afnumið.
Ísland hefur verið í ákveðinni sérstöðu þegar kemur að því að fá til sín leiðangursskip sem stoppa á fjölmörgum stöðum víðs vegar um landið. Jóhanna segir að tollfrelsi hringsiglinga leiðangursskipanna í kringum landið hafi á sínum tíma verið sett á til að laða að minni skemmtiferðaskip – leiðangursskip – að áfangastöðum landsbyggðarinnar sem ekki eru í alfaraleið. Blikur eru á lofti varðandi áframhaldandi siglingar skipanna nú þegar fyrir liggur að tollfrelsið verður afnumið.
Fulltrúar Hafnasamlags Norðurlands voru á Seatrade Cruise Med ráðstefnunni í Malaga í liðinni viku ásamt forsvarsmönnum annarra hafna landsins, umboðsaðilum og ferðaskrifstofum undir hatti Cruise Iceland. Fundað var með öllum helstu skipafélögunum skemmtiferðaskipanna og var afnám tollfrelsis hringsiglinga að sögn Jóhönnu mikið til umræðu.
Jóhanna Tryggvadóttir verkefna- og markaðsstjóri Hafnasamlags Norðurlands
Einmitt farþegarnir sem við viljum fá
„Þessi minni leiðangursskip eru með færri farþega en mörg þeirra eru lúxus skip og farþegar eyða miklu fé í landi. Einnig eru mikið af náttúruvísindafólki um borð í þessum skipum. Mikið er um fræðslu og fyrirlestra fyrir farþega en oft eru líka vísindamenn um borð sem taka sýni til rannsókna á stöðum sem ekki er möguleiki að komast á, nema með þessum skipum. Þetta eru þar af leiðandi kannski einmitt þeir farþegar sem við viljum fá hingað til lands,“ segir Jóhanna. Leiðangursskipin koma til yfir 30 hafna um landið og þá má nefna Akureyri, Bolungarvík, Djúpavog, Eskifjörð, Flatey, Grímsey, Heimaey, Hrísey, Húsavík, Patreksfjörð, Seyðisfjörð, Siglufjörð, Stykkishólm, Vigur, Þorlákshöfn.
Þegar fengið afbókanir
Jóhanna segir að strax á ráðstefnunni á Spáni hafi nokkrar af minni höfnum landsins fengið afbókanir á fundum með skipafélögunum og það vegna þeirrar óvissu sem ríkir varðandi tollfrelsið. Fram kom einnig hjá forsvarsmönnum skipafélaganna að líklegt væri að dvöl skipanna á Íslandi yrði stytt og nefnt var að fleiri stöðum eins og Færeyjum sem dæmi yrði bætt við siglinguna. Jafnvel var nefnt að alfarið yrði hætt við hringsiglingu um Ísland.
„Við veltum fyrir okkur hvort lagt hafi verið mat á hvaða afleiðingar það hefur fyrir landsbyggðina ef hringsiglingar skipanna leggjast af. Þetta mun ekki bara hafa áhrif fyrir hafnir, heldur einnig skaðleg áhrif á ferðaþjónustufyrirtæki sem eru að byggjast upp,“ segir Jóhanna og bætir við hvort þessi aðgerð, að afnema tollfrelsi hringsiglinga stangist ekki á við nýsamþykkta ferðamálastefnu.
Nýjast
-
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit. -
Mikil ásókn í íbúðir á vegum Bjargs á Húsavík
Óhætt er að segja að mikill áhugi sé á íbúðum sem Bjarg íbúðafélag er að byggja á Húsavík í samstarfi við Norðurþing, en þetta kemur fram á heimasíðu Framsýnar í dag. -
Litlu jólin á sjó!
Áralöng hefð er fyrir því að áhafnir fiskiskipa Samherja haldi litlu jól í aðdraganda jólanna. Kokkarnir töfra þá fram hverja kræsinguna af annarri. Litlu jól áhafna Kaldbaks og Snæfells voru haldin hátíðleg á dögunum. -
Boðað verkfall lækna mun hafa áhrif á þjónustu SAk.
Félagsmenn í Læknafélagi Íslands hafa samþykkt verkfallsboðun og hafi ekki samist skellur boðað verkfall lækna á eftir nokkra daga eða um miðnætti aðfaranótt mánudagsins 25. nóvember n.k. -
Hvítasunnukirkjan styrkir Hollvinasamtök
Hollvinasamtök Sjúkrahússins á Akureyri fengu afhentan rausnarlegan peningastyrk frá Hvítasunnusöfnuðinum, alls 800 þúsund krónur nýverið.
