20. nóvember - 27. nóvember - Tbl 47
Tökum Akureyri á flug
Unnar Jónsson.
Undanfarin ár hefur mikið verið rætt um brýna nauðsyn þess að koma upp beinu millilandaflugi frá Akureyri. Ýmislegt hefur verið gert og Markaðsstofa Ferðamála hefur haldið utan um verkefnið Air66, þar sem áhersla hefur verið lögð á að fá erlend flugfélög til að hefja beint milllandaflug til Akureyrar.
Síðast liðinn vetur hóf ferðaskrifstofan Super Break beint flug frá nokkrum stöðum á Bretlandi til Akureyrar og það er út af fyrir sig mikið fagnaðarefni, en nægir ekki til að íbúar á Akureyri og nágrenni fái notið reglulegs millilandaflugs. Nokkrum sinnum hafa borist spurning af því að flugfélög séu líkleg til að hefja flug innan tiltekins tíma, en af því hefur ekki orðið.
Tíminn er kominn
Á einhverjum tíma þarf að endurmeta þær aðferðir sem beitt er til að ná markmiðinu um reglubundið beint flug, og sá tími er kominn að mínu mati. Þrátt fyrir mikla og góða vinnu hefur ekki tekist að finna aðila sem er tilbúinn til að hefja flug án þess að til komi ábyrgðir frá heimamönnum. Þess vegna þarf að stofna félag um um að koma á beinu flugi frá Akureyri og bærinn þarf að hafa forgöngu um stofnunina. Bærinn þarf að fá hagsmunaaðila og almenning með sér í fjármögnun félagsins, þannig að nægilegir fjármunir safnist til að koma flugi af stað.
Ástæða til bjartsýni
Einhverjum kann að þykja bitinn of stór til að kyngja, en sé markaðurinn á upptökusvæði flugvallarins skoðaður, frá Skagafirði til Austfjarða þá er fólksfjöldinn um 50 þúsund manns. Til samanburðar eru frændur okkar Færeyingar um 50 þúsund, og þeir njóta þess að hafa að jafnaði um 4 flug daglega frá Færeyjum. Hingað til hafa ferðamenn verið heldur fáir í Færeyjum og því mest heimamenn sem nýta sér flugið. Þegar Iceland Express hóf beint flug að sumri til frá Akureyri, fóru bókanir batnandi með hverju árinu og voru orðnar býsna góðar þegar fluginu var hætt af öðrum ástæðum. Áhugi og nýting í ferðum Super Break gefur einnig ástæðu til bjartsýni.
Stuðningur heimafólks
Barátta og stuðningur heimafólks skipti sköpum þegar Vaðlaheiðargöng voru til umræðu. Hlutur Akureyrarbæjar í Vaðlaheiðargöngum nemur um 200 milljónum króna, sem er væntanlega álíka upphæð og þarf til að koma flugi af stað. Verkefnið er því hvorki stærra en önnur sem við höfum ráðist í né stærra en við getum ráðið við sem samfélag. Því er full ástæða til að láta reyna á það hvort hægt er að koma á beinu flugi, en við þurfum að gera það sjálf. Valkosturinn er að bíða áfram og vona að eitthvert flugfélag komi. Tökum því betri kostinn og hefjum undirbúning strax.
-Unnar Jónsson, höfundur skipar 4. sæti á lista Samfylkingarinnar til bæjarstjórnarkosninga á Akureyri 2018
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
