Todmobile heldur tónleika á Græna
Fjölbreytt dagskrá er á Græna hattinum um helgina.
Vínylplötusnúðurinn Vél-Arnar mun standa fyrir dansiballi á Græna hattinum í kvöld, fimmtudag, þar sem meginþemað verður „Rocky Horror“. Skemmtunin hefst kl. 21.00.
Á föstudagskvöldið eru hljómsveitirnar Dalí og Thingtak með tónleika. Dalí er hugarfóstur söngkonunnar og bassaleikarans Erlu Stefánsdóttur. Sveitin var stofnuð haustið 2014 og samanstendur af Erlu, sem spilar á bassa og syngur, Helga Reyni Jónssyni gítarleikara, Þórði Gunnari Þorvaldssyni gítar- og hljómborðsleikara og Fúsa Óttars trommuleikara en öll hafa þau komið víða fram á íslenska tónlistarsviðinu.
Tónlistarstefna Dalí er fjölbreytt; þar gætir áhrifa meðal annars frá Joni Mitchell og Primus en á sinn eigin, sérstaka hátt. Hljómsveitin hefur vakið mikla athygli fyrir lifandi flutning og komið fram bæði á stórum tónlistarhátíðunum, þ.á m. Iceland Airwaves, Secret Solstice, Gærunni sem og á minni viðburðum eins og hinum alþjóðlegu Sofar Sounds tónleikaviðburðum.
Hljómsveitin Thingtak var stofnuð haustið 2005 og kallaði sig í upphafi Alþingi. Til að gera langa sögu stutta voru meðlimir Alþingis boðaðir á fund með lögfræðingum Alþingis, þar sem bann var lagt á nafngiftina. Hljómsveitin tók þá upp nafnið Thingtak, en á Alþingi hinu forna slógu menn saman sverði og skildi sem tákn um að þeir samþykktu lög og var það kallað þingtak.
Thingtak gaf út plötu samnefnda hljómsveitinni 8. apríl 2006. Þema þeirrar plötu er atburðir í Íslandssögunni frá landnámi til siðaskipta. Sveitin hefur lokið upptökum á annari breiðskífu sinni sem mun bera titilinn „Politics“ og er hún væntanleg á næstu mánuðum. Meðlimir sveitarinnar eru Stefán Jakobsson, söngur og bassi, Hrafnkell Brimar Hallmundsson, gítar og raddir og Sverrir Páll Snorrason trommur. Tónleikarnir hefjast kl. 22.00.
Á laugardagkvöldið er það stórhljómsveitin Todmobile sem er með tvenna tónleika. Gréta Salóme hefur gengið til liðs við hljómsveitina sem fiðluleikari og bakraddasöngkona. Aðrir hljómsveitameðlimir eru Þorvaldur Bjarni Þorvaldsson gítar, Andrea Gylfadóttir söngur, Eyþór Ingi söngur og gítar, Kjartan Valdimarsson hljómborð, Eiður Arnarsson bassi, Ólafur Hólm Einarsson trommur og Alma Rut bakraddir. Tónleikarnir eru kl. 20.00 og 23.00.
Nýjast
-
Ferðafrelsið er dýrmætt
Ferðafrelsi er kannski ekki eitthvað sem menn alla jafna velta mikið fyrir sér frá degi til dags. Kannski vegna þess að okkur finnst það svo sjálfsagður hlutur. Að mega ferðast frjálsir um vegi og slóða um fjöll og fyrnindi umvafin náttúrunni við hvert fótmál. Þessir slóðar og fjallvegir urðu ekki til af sjálfu sér heldur mótuðust af höndum og hug þeirra frumkvöðla sem fyrstir fóru af stað á vanbúnum, óbreyttum bifreiðum þess tíma, þekktu á og kunnu að lesa í ár, vötn og land og öfluðu sér dýrmætrar þekkingar sem skilaðist áfram til næstu kynslóða. -
Listasafnið á Akureyri: Opnun, fimmtudagskvöldið 28. nóvember
Fimmtudagskvöldið 28. nóvember kl. 20-22 verða opnaðar tvær sýningar í Listasafninu á Akureyri: Sólveig Baldursdóttir – Augnablik-til baka og Átthagamálverkið: Á ferð um Norðausturland liðinnar aldar. Boðið verður upp á sýningarstjóraspjall með Markúsi Þór Andréssyni, sýningarstjóra Átthagamálverksins, kl. 20.40 og listamannaspjall með Sólveigu kl. 21. -
Íslandsþari með ný áform um þaravinnslu á Húsavík
Íslandsþari óskar eftir að fá úthlutað lóðinni að Búðarfjöru 1 á Húsavík til uppbyggingar húsnæðis til úrvinnslu stórþara. -
Betra veður fyrir íþróttakrakkana okkar!
Á ferð minni um okkar víðfema og fallega kjördæmi hef ég lent í allskyns vandræðum í öllum veðrum nú í nóvember. Ég er sannarlega ekki einn um það enda vegir landsins uppfullir af spennandi frambjóðendum í leit að sem flestum samtölum við fólkið í landinu. Frambjóðendur keppast nú við að birta myndir og myndbönd af skafrenningi, snjókomu, blindbyljum og fleira til. Allt til þess gert að sýna fólki hversu vandasamt það getur verið að ferðast um landið í nóvember. Sem betur fer er bara kosið á fjögurra ára fresti og oftast á vorin. Þess vegna er þetta nú frekar undantekning en hitt að frambjóðendur þurfi að vaða út í þetta veður og þessa færð í atkvæðaleit. -
Nærsamfélagið tekur höndum saman
Jólatónleikar til styrktar Sigrúnu Björgu Aðalgeirsdóttur og fjölskyldu -
Jólamatur fátæka mannsins
Einn af mínum allra uppáhalds fuglum er rjúpan. Rjúpan nam hér land við lok ísaldar fyrir um 10.000 árum og kom upprunalega frá Grænlandi. Hún á sér lengri forsögu hér en við. Mér finnst hún ekki bara falleg, hún er brögðótt, á 3 alklæðnaði og þegar hún ver unga sína, þá sýnir hún vanmetna vitsmuni. -
Hver grípur þig?
„Við vildum að fólk gerði sér grein fyrir hvaða þjónusta er í boði og hvert er hægt að sækja hana þegar aðstoðar er þörf, fólki að kostnaðarlausu. Einnig langar okkur með málþinginu að styrkja samstarfið á milli félaganna, að fulltrúar þeirra séu upplýst um aðra kosti sem eru í boði fyrir fólk og geti bent málum í réttan farveg eða til viðeigandi félagasamtaka,“ segir Erla Lind Friðriksdóttir um málþing sem hún stendur fyrir ásamt frænku sinni Birnu Guðrúnu Árnadóttur. -
Sérútbúinn lögreglubíll til landamæraeftirlits
Embætti Lögreglunnar á Norðurlandi eystra hefur fengið til eignar sérútbúinn lögreglubíl til afnota við landamæraeftirlit. Segja má að þar sé á ferðinni fullbúin landamærastöð á hjólum. Landamæra- og áritunarsjóður Evrópusambandsins greiddi 75% kostnaðar og Dómsmálaráðuneytið 25% og skiptu einnig með sér kostnaði við einn starfsmann í þrjá mánuði síðastliðið sumar. -
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur.
