Tilraunir í stofuglugganum
Hluti af því að vera blómaáhugamaður er að gera alls konar tilraunir, sama hversu gáfulegar þær eru. Í dag er ég með tvær skemmtilegar tilraunir í gangi. Annars vegar setti ég niður fræ úr lífrænni sítrónu úr Nettó en það eru komnar þrjár litlar plöntur sem virðast ætla að komast á legg. Hins vegar spíraði ég fræ úr avókadóávexti og setti að lokum í mold. Það er tilrauninn sem ég ætla að fjalla um að þessu sinni.
Tilraunir við að koma avókadóplöntum á legg nýtur vaxandi vinsælda hér á landi og finna má ógrynni myndbanda á youtube þar sem ferlið er sýnt,- misgáfuleg samt.
Ég er einn þeirra sem fallið hefur í freistni við að rækta avókadóplöntu en ég geri mér þó fulla grein fyrir því að hún hentar afar illa sem stofublóm á Íslandi og nær útilokað er að hún beri nokkurn tíma ávöxt. Hafsteinn Hafliðason sem heldur úti Stofublóm Plantan inniblóm pottablóm hópnum á Facebook sagði eitt sinn; að rækta avokadótré sem stofuplöntu á Íslandi væri eins og að vera með hund og halda honum í svelti. Plantan mín dafnar þó enn mjög vel hjá mér í austurglugga og vex afar hratt en það verður áskorun að halda í henni lífinu í vetur.
SJÁ EINNIG: BLÓM ER GJÖF SEM GLEÐUR
Svona fór ég að:
Ég tók steininn úr lífrænu avókadó sem ég keypti í næstu verslun og gætti þess að skera ekki í fræið. Utan á fræinu er þunnt brúnt flus sem ég plokkaði af (getur verið þolinmæðisvinna). Því næst vafði ég fræið inn í vel rakann eldhúspappír og stakk ofan í „ziplock“ poka. Pokanum kom ég fyrir inni í skáp. Þetta gerði ég í byrjun febrúar og það var ekki fyrr en í lok mars að fræið klauf sig og rótin fór að gægjast út.
Þá tók ég fræið úr pokanum og stakk þremur tannstönglum í það (gæta þess að stinga þeim ekki í rákirnar á fræinu). Þá setti ég vatn í litla krukku og kom fræinu fyrir þannig að aðeins um helmingur fræsins lá í vatninu (tannstönglarnir koma í veg fyrir að fræið fari alveg á kaf). Krukkunni kom ég fyrir í glugga þar sem mesta birtu var að fá og við tók löng bið. Rótin óx reyndar afar hratt og hringaði sig niður á botninn en það var ekki fyrr en í lok apríl að plantan fór að vaxa upp úr fræinu en síðan hefur hún vaxið mjög hratt.
Þegar komin voru 4-5 falleg blöð þá setti ég fræið í mold en það þarf að fara mjög varlega með ræturnar, þær eru viðkvæmar og það er viðbúið að það hægist á vextinum fyrstu vikurnar eftir að plantan fer í mold. Ég hef verið nokkuð heppinn með fræ og stöngullinn hefur gefið af sér fjöldann allan af stórum og fallegum blöðum.
Avókadóplantan þarf mikla birtu og vökvun. Það þarf einnig að gefa vel af áburði þar sem hún er frek á nitur og fosfór. Græna þruman hefur dugað mér vel hingað til. Ef plantan á hins vegar að þola skammdegi íslenska vetrarins þá held ég nauðsynlegt sé að hafa gott gróðurljós. Spennandi verður að fylgjast með því hversu langlíf tilraunin verður.
Pistlarnir undir flokknum Með Mold undir nöglum er skrifaðir af áhugamennsku en ekki sérfræðikunnáttu, aðferðum sem lýst er í greinaflokknum þurfa ekki endilega að vera þær bestu. Hugmyndir og ábendingar eru vel þegnar á netfangið egillpall@vikubladid.is
Nýjast
-
Klúbbar styrkja Frú Ragnheiði
Klúbbarnir Ladies Circle 7 og Round Table 15 afhentu Frú Ragnheiði rausnarlegar styrk í vikunni, ómetnalegur styrkur . „Við erum svo innilega þakklát og mun þetta nýtast skjólstæðingum okkar vel segir í tilkynningu, en styrkurinn er að upphæð um 630 þúsund krónur. -
Gjaldfrjáls leikskóli dregur úr álagi og bætir líðan barna
Gjaldfrjáls leikskóli hefur reynst áhrifarík leið til að draga úr álagi í leikskólum, á skólastjórnendur og starfsfólk og hefur jákvæð áhrif á börnin. -
Grenivík-Vel gert hjá Óla Gunnari
Heimilismenn á Grenilundi hafa að undanförnu tekið þátt í hjólakeppninni Pedal On Road Worlds For Seniors. Keppnin stóð yfir frá 7. október til 1. nóvember. -
Jólaljós og lopasokkar í Hofi
Jólatónleikarnir Jólaljós og lopasokkar verður haldnir í Menningarhúsinu Hofi 1. desember næstkomandi og hefjast kl. 17. Þetta er fjölskylduvænir tónleikar, norðlensk framleiðsla og miðaverði stillt í hóf. Alls koma fram fjórir söngvarar, kór, hljómsveit og dansarar. -
Eignarhald bænda á jörðum tryggir hag þeirra best
Umræða um jarðir, jarðaviðskipti og kynslóðaskipti í landbúnaði er og á að vera fyrirferðarmikil í umræðu um stöðu sveitanna. Enda var málefnið eitt helsta umræðuefni á haustfundum Bændasamtaka Íslands. Uppkaup og jarðasöfnun fjárfesta og samkeppnisstöðu landbúnaðar. Um stöðu ungra bænda og eldri bænda sem væru að afhenda bú sín til yngri kynslóða. -
Orkumál
Alþingiskosningar ber brátt að garði. Þar skipar undirrituð 2. sætið á lista VG í norðausturkjördæmi. Ég bý á Björgum í Kinn í Þingeyjarsýslu þar sem systir mín og ég tókum við búi 2017 af foreldrum okkar. Þar er mjólkurframleiðsla, umfangsmikil jarðrækt, kornrækt og örfáar kindur.Meðal starfa minna í félagsmálum má nefna formennsku í Samtökum ungra bænda og þá hef ég setið í sveitarstjórn Þingeyjarsveitar frá árinu 2018 og er nú formaður byggðarráðs -
Þakklæti er varla nægilega sterkt lýsingarorð
„Ég þurfti að gera hlé á máli mínu því tárin bara runnu niður kinnarnar,“ segir Marta Kristín Rósudóttir verkefnastjóri hjá Krabbameinsfélagi Akureyrar og nágrennis. Dekurdagar afhentu félaginu alls 6, 7 milljónir króna og hefur upphæðin aldrei verið hærri en nú. Frá árinu 2012 hafa Dekurdagar safnað 37.850.000 kr. fyrir Krabbameinsfélag Akureyrar -
Fjórtándi jólasveinninn hjá Freyvangsleikhúsinu
Fjórtándi jólasveinninn er frumsamið jólaverk eftir Ásgeir Ólafsson Lie sem segir sögu af hinum hefðbundnu jólasveinunum 13 sem og Grýlu, Leppalúða og jólakettinum. Nema í þessu leikverki eru jólasveinarnir ekki bara þrettán heldur er þarna sá fjórtándi sem enginn átti von á. Leikritið verður frumsýnt hjá Freyvangsleikhúsinu á laugardag, 23. nóvember og verður sýnt á aðventunni. -
Dásamlegt og gefandi að starfa í kvenfélagi
„Það er dásamlegt að starfa í kvenfélagi. Þetta er yndislegur félagsskapur, gefandi á allan hátt. Við skemmtum okkur vel, látum gott af okkur leiða en vinnum okkar verk yfirleitt í hljóði og erum ekki að auglýsa það sérstaklega þó við gerum góðverk,“ segir Auður Thorberg formaður Kvenfélagsins Hjálparinnar í Eyjafjarðarsveit.
