13.nóvember - 20.nóvember - Tbl 46
Þröngt mega sáttir..........synda
Brynjólfur Ingvarsson.
Ég undirritaður byrjaði að sækja sundstaði á Íslandi fyrir 70 árum. Fyrst voru það litlar kennslulaugar skólanna, en fljótt heillaðist ég af Sundhöll Reykjavíkur, enda bjó ég um tíma í nágrenni hennar. Undanfarinn áratug hef ég haldið mig við Sundlaug Akureyrar og sótt þangað í vaxandi mæli. Reyni helst að fara daglega og synda nokkrar ferðir. Þetta er mikil heilsubót, bæði fyrsta flokks líkamsrækt og ódýr sáluhjálp.
En það hefur því miður skyggt á gleðina og dregið úr ánægju minni síðustu árin að fylgjast með litlum hópi af yngstu sundiðkendunum, sennilega skólasveinum, sem ofbjóða mér stundum með framkomu sinni. Mig grunar að líkt sé á komið hjá fleirum af minni kynslóð og sumir jafnvel orðnir hikandi við að mæta reglulega í sund af þessum ástæðum.
Það skal tekið skýrt fram, að ég á ekki við ærsl og fjörkippi stráka og stúlkna á vissu aldursskeiði, ekki heldur við buslugang í lauginni né hávaða.
Ólmandagangurinn er heilbrigður fylgifiskur útisundlauganna, leiktækin ýta meira að segja undir fyrirganginn, og allir samgleðjast af mismiklum áhuga.
Nei. Ég á við munnsöfnuð, ókurteisi og skort á mannasiðum, sem verður stundum vart í sturtum og búningsklefum og langoftast frá örfáum yfirspenntum smástrákum, sem eiga eitthvað meira en aðrir ólært í mannlegum samskiptum. Langoftast duga vægar umvandanir baðvarða og skólaliða, en einstöku sinnum verður maður vitni að framkomu, sem gengur langt út yfir allt, sem taldist viðunandi hér áður fyrr og kostaði í versta falli smáleiðbeiningu frá kennslupriki sundkennarans. Nú má hins vegar varla hasta á ólátabelgi nema eiga á hættu kvartanir og ofanígjafir frá yfirboðurum.
Er uppeldisfræði nútímans búin að finna önnur betri ráð sem duga, eða á hreinlega að gefast upp fyrir „ofbeldi óþægðarinnar“??
-Brynjólfur Ingvarsson, geðlæknir
Nýjast
-
Búsetutengd mismunun í heilbrigðisþjónustu, í boði einkavæðingar og heilbrigðisráðherra Framsóknar.
Búsetutengdur munur á notkun þjónustu sérgreinalækna er mjög mikill. Íbúar dreifbýlis nota þjónustuna mun minna en höfuðborgarbúar og íbúar Vestfjarða og Austfjarða minnst allra, nefnilega þrisvar sinnum minna en höfuðborgarbúar. Lýðheilsuvísar benda ekki til þess að íbúar í dreifbýli séu heilsubetri en höfuðborgarbúar. Nærtæk skýring á þessum mun er að kaupandi þjónustunnar, ríkið, lætur sig engu varða hvar þjónustan er veitt og hún hefur nær öll byggst upp í Reykjavík. Í versta falli er afleiðingin sú að þau sem búa næst þjónustunni nýta hana umfram þörf og hin sem fjær búa minna en æskilegt væri. Hvoru tveggja er hættulegt og brýnt að rýna lög og hvort þeim er fylgt. -
Svik við launafólk: Loforð um samráð brotin með gegndarlausum gjaldskrárhækkunum
Anna Júlíusdóttir formaður Einingar Iðju skrifar bréf til bæjarstjórnar Akureyrar í dag sem birt er að heimasíðu félagsins, það lætur hún í ljós mikla óánægju með boðaðar hækkanir hjá hinum ýmsu fyrirtækjum og stofnunum bæjarins og er óhætt að segja að Önnu sé misboðið. „Við erum tilbúin til uppbyggilegs samtals,“ sögðum við í júlí þegar bæjaryfirvöld á Akureyri boðuðu breytingar á gjaldskrám. Við fögnuðum loforðum um samráð, um víðtækt samtal við hagsmunaaðila og um reglulegt endurmatsferli þar sem allir kæmu að borðinu. Nú aðeins fjórum mánuðum síðar stendur eftir sársaukafullt svik á trausti launafólks. Í stað samtals og samráðs virðast vera að raungerast víðtækar gjaldskrárhækkanir sem eru hrein árás á kaupmátt launafólks. -
Vegamálin liggja þungt á Grímseyingum
Vegamál liggja þungt á heimamönnum í Grímsey. Bundið slitlag var sett á götur þar árið 1994 og aftur árið 2014, en þá var verkið ekki klárað almennilega, „því það mátti bara setja á ákveðið marga kílómetra,“ eins og það er orðað í bókun hverfisnefndar. -
Gripmælar, róbótar og ratleikur á Opnum degi Um 300 framhaldsskólanemendur lögðu leið sína í Háskólann á Akureyri
Stuðið var gífurlegt á dögunum þegar um 300 framhaldsskólanemendur heimsóttu Háskólann á Akureyri á Opnum degi. Skólinn hefur gert þetta í mörg ár í góðu samstarfi við náms- og starfsráðgjafa í framhaldsskólum á norðaustursvæðinu. -
Óska eftir frambjóðendum sem eru tilbúnir í alvöru breytingar!
Ég óska eftir breytingum svo að ég og allir aðrir menntaðir Heilsunuddarar viti hvað við eigum að kjósa í komandi alþingiskosningum. -
Lítið að frétta í lífi án frétta á landsbyggðunum
Af þeim 27 fjölmiðlum sem hlutu rekstrarstuðning til einkarekinna fjölmiðla 2024 voru 13 staðbundnir fjölmiðlar og af þeim 10 staðsettir utan höfuðborgarsvæðisins. Hver og einn af þessum staðbundnu miðlum þjónar gríðarlega mikilvægu hlutverki í sinni heimabyggð og styrkveitingin því sannarlega fagnaðarefni. -
AtNorth stækkar gagnaver sitt á Akureyri Glatvarmi nýttur til matvælaframleiðslu
Fyrirtækið atNorth vinnur að stækkun gagnavers síns á Akureyri. Einnig hefur félagið kynnt nýtt samstarf um endurheimt og nýtingu varma. Stækkun tveggja gagnavera atnorth, á Akureyri og í Reykjanesbæ er þegar hafin. -
easyJet lengir flugtímabil frá London til Akureyrar
Breska flugfélagið easyJet tilkynnti í dag að það muni bæta við flugferðum frá London Gatwick til Akureyrar í apríl 2025, og í október 2025. Áður stóð til að fljúga út mars á næsta ári, og hefja flugin að nýju í nóvember. Flugfélagið verður því mánuði lengur með flug í boði þennan vetur og að auki næsta haust. -
Snjómokstur í bænum
Töluvert hefur snjóað í bænum um helgina og þennan mánudagsmorguninn er víða illfært um íbúðagötur og stíga. Unnið er að snjómokstri og er mikill fjöldi tækja í notkun á vegum sveitarfélagsins og verktaka.
